തിരഞ്ഞെടുപ്പ് ചാനലുകാര്‍ക്ക് ചാകര കാലമാണ്. അതുകൊണ്ട് തന്നെ പ്രവചനപെരുമഴയാണ് എങ്ങും. എല്‍ഡിഎഫിന് ഭരണത്തുടര്‍ച്ച പ്രവചിച്ച് ഏഷ്യാനെറ്റും മാതൃഭൂമിയും മനോരമയും മീഡിയ വണ്ണും ഒക്കെ വന്നു. അതിനെ അനുകൂലിച്ചും പ്രതികൂലിച്ചും മുന്നണികളും പാര്‍ട്ടികളും അണികളും ഒക്കെ വരുന്നുമുണ്ട്. എന്നാലിതാ ഭരണത്തുടര്‍ച്ചയില്‍ കണ്ണുതള്ളിപ്പോയ രാഷ്ട്രീയ പാര്‍ട്ടികള്‍ക്ക് കൊട്ടിഘോഷിക്കാനിതാ പുതിയ വാര്‍ത്തകളും വിശകലനങ്ങളും അതും സാക്ഷാല്‍ ഏഷ്യാനെറ്റ് വക.

ബ്രാന്‍ഡ് പിണറായി ഈ തിരഞ്ഞെടുപ്പില്‍ ഹിറ്റ് ആകുമോ എന്ന ഏഷ്യാനെറ്റ് ന്യൂസ് ചര്‍ച്ച സംപ്രേഷണം ചെയ്യുന്ന സമയത്ത് പ്രേക്ഷകര്‍ക്ക് വോട്ടുചെയ്യാനുള്ള അവസരം ഉണ്ടായിരുന്നു. ചര്‍ച്ചയില്‍ ഇടത് പ്രതിനിധി എ എ റഹിമിന്റെയും രാഷ്ട്രീയ നിരീക്ഷകന്‍ ശ്രീജിത്ത് പണിക്കരുടെയും വാദങ്ങള്‍ക്ക് അനുസരിച്ച് വോട്ടിങ് ട്രെന്‍ഡില്‍ മാറ്റമുണ്ടായി.

അവസാനം ചര്‍ച്ച തീരുമ്പോള്‍ 66% പേര്‍ ശ്രീജിത്ത് പണിക്കരുടെ വാദങ്ങള്‍ക്ക് അനുകൂലമായി വോട്ട് ചെയ്തു. എതിര്‍വാദത്തിന് 34% മാത്രം. അതായത് പിണറായി മുഖ്യനാകണോ വേണ്ടയോ എന്നതില്‍ ഭരണത്തുടര്‍ച്ച വവേണമോ വേണ്ടയോ എന്നതില്‍ സര്‍വേകളെ കടത്തിവെട്ടിയുള്ള ഉത്തരവുമായി ഇതാ വോട്ടര്‍മാര്‍ എന്ന യഥാര്‍ഥ രാജാക്കന്‍മാരും രാജ്ഞിമാരും രംഗത്ത് വന്നു.

വോട്ടെടുപ്പില്‍ പങ്കെടുത്തവരുടെ എണ്ണം ഏതാണ്ട് പതിനായിരം എന്നതായിരുന്നു എന്നത് കൂടി ചേര്‍ക്കണം. ഏതായാലും പിന്നാലെ വന്ന ശ്രീജിത്ത് പണിക്കരുടെ സാമൂഹ്യമാധ്യമ പോസ്റ്റിലൂടെ 66 ശതമാനത്തിന് നന്ദിയും രേഖപ്പെടുത്തി പണിക്കര്‍. അതായത് നിലപാട് ഇല്ലാതിരിക്കുക എന്നതും ഒരു നിലപാടാണ്. അതുകൊണ്ടുതന്നെ ബ്രാന്‍ഡ് പിണറായി എന്നത് പണിക്കിരെ സംബന്ധിച്ചിടത്തോളം യു ടേണിനെ ആണ് സൂചിപ്പിക്കുന്നത്.

കഴിഞ്ഞ ഒരു വര്‍ഷത്തില്‍ പ്രതിപക്ഷം ഉന്നയിച്ച ഏതാണ്ട് എല്ലാ വിഷയങ്ങളിലും പിണറായി സര്‍ക്കാര്‍ പ്രതിരോധത്തിലായി. പലകാര്യങ്ങളിലും നിലപാട് തിരുത്തി, പറഞ്ഞത് വിഴുങ്ങി, പച്ചക്കള്ളം പറഞ്ഞു. സോളാര്‍ കേസില്‍ സംസ്ഥാനത്തിന്റെ അന്വേഷണം തൃപ്തികരം അല്ലെങ്കില്‍ അത് സിബിഐക്ക് വിടും. എന്നാല്‍ പെരിയയില്‍ അത് പറ്റില്ല.

സ്ത്രീസുരക്ഷയുടെ ഏറ്റവും നല്ല ഉദാഹരണമാണ് ധര്‍മ്മടത്തെ സ്ഥാനാര്‍ഥിയായ വാളയാര്‍ അമ്മ. ശബരിമല വിഷയത്തില്‍ പറഞ്ഞത് വിഴുങ്ങി വെള്ളവും കുടിച്ചു. മത്സ്യത്തൊഴിലാളികളെ വഞ്ചിക്കുന്ന കരാര്‍ ഉണ്ടാക്കിയ ശേഷം അത് പരസ്യം ചെയ്തതും പോരാഞ്ഞ് ഒടുവില്‍ തങ്ങള്‍ പത്രം വായിക്കാറില്ല എന്നുവരെ പറഞ്ഞ മന്ത്രിമാരുണ്ട്. അപ്പോള്‍ പിന്നെ എന്തിനോ വേണ്ടി തിളക്കുന്ന സാമ്പാര്‍. ന്യൂജെന്‍ ചൊല്ലാണ് ഓര്‍മവരുന്നത്. എന്താണെന്നോ ഈ സര്‍വേകളെ.