അത് വ്യക്തിപരമാണ് ,പാർട്ടി നിലപാട് അല്ല ;സുരേഷ് ഗോപിയുടെ പ്രസ്താവന തള്ളി ബി.ജെ.പി സംസ്ഥാന നേതൃത്വം
എന്.ഡി.എയ്ക്ക് സ്ഥാനാര്ത്ഥിയില്ലാത്ത ഗുരുവായൂരും തലശേരിയിലും എല്.ഡി.എഫ് സ്ഥാനാര്ത്ഥികളെ പരാജയപ്പെടുത്തണമെന്നും ഗുരുവായൂരില് കെ.എന്.എ ഖാദര് ജയിക്കണമെന്നും പറഞ്ഞ ബി.ജെ.പി സ്ഥാനാര്ത്ഥിയും നടനുമായ സുരേഷ് ഗോപിയുടെ പ്രസ്താവന തള്ളി ബി.ജെ.പി സംസ്ഥാന നേതൃത്വം.സുരേഷ് ഗോപിയുടേത് വ്യക്തിപരമായ നിലപാടാണെന്ന് സംസ്ഥാന അധ്യക്ഷന് കെ. സുരേന്ദ്രന് പറഞ്ഞു. തലശേരിയില് ബി.ജെ.പി പിന്തുണയുള്ള സ്ഥാനാര്ത്ഥി ഉണ്ടാകും. ബാക്കി രണ്ട് സ്ഥലത്തും ആയല്ലോ. തലശേരിയിലും അതിനുള്ള ചര്ച്ചകള് നടക്കുകയാണെന്നായിരുന്നു സുരേന്ദ്രന് പറഞ്ഞത്.തെരഞ്ഞെടുപ്പ് പൊതുയോഗങ്ങളില് വ്യക്തിപരമായ പരാമര്ശങ്ങള് ഉണ്ടാകുന്നത് പുതിയ കാര്യമൊന്നുമല്ല. ബി.ജെ.പിയുടെ പ്രഖ്യാപിത നിലപാട് സുവ്യക്തമാണ്. എല്.ഡി.എഫും യു.ഡി.എഫും കള്ളനാണയത്തിന്റെ രണ്ട് വശങ്ങളാണ് എന്നായിരുന്നു സുരേന്ദ്രന് പറഞ്ഞത്.
തലശ്ശേരിയില് ഒരു കാരണവശാലും എല്.ഡി.എഫ് സ്ഥാനാര്ത്ഥി എ.എന് ഷംസീര് ജയിക്കരുതെന്നും എന്.ഡി.എയ്ക്ക് സ്ഥാനാര്ത്ഥിയില്ലാത്ത ഗുരുവായൂരും എല്.ഡി.എഫിനെ പരാജയപ്പെടുത്തണമെന്നുമായിരുന്നു സുരേഷ് ഗോപി പറഞ്ഞത്. ലീഗ് സ്ഥാനാര്ത്ഥി കെ.എന്.എ ഖാദര് ഗുരുവായൂര് ജയിക്കണമെന്നാണ് ആഗ്രഹമെന്നാണ് സുരേഷ്ഗോപി പറഞ്ഞത്.നാമനിര്ദേശ പത്രികയുടെ സൂക്ഷമ പരിശോധനയില് തലശ്ശേരിയിലെ എന്.ഡി.എ സ്ഥാനാര്ത്ഥിയും ബി.ജെ.പിയുടെ കണ്ണൂര് ജില്ലാ പ്രസിഡന്റൂകൂടിയായ എന്. ഹരിദാസിന്റെ നാമനിര്ദേശ പത്രികയായിരുന്നു തള്ളിപോയത്. ഇതിന് പിന്നാലെ യു.ഡി.എഫ്-ബി.ജെ.പി ധാരണയുണ്ടെന്ന തരത്തിലുള്ള പ്രചാരണങ്ങള് നിലനിന്നിരുന്നു. ഇതിനിടെയാണ് ഷംസീര് ജയിക്കരുതെന്ന് പരസ്യമായി സുരേഷ് ഗോപി പ്രഖ്യാപിച്ചിരിക്കുന്നത്.എന്.ഡി.എ സ്ഥാനാര്ത്ഥി നിവേദിതയുടെ പത്രിക തള്ളിപ്പോയ ഗുരുവായൂരില് ബി.ജെ.പി, ഡെമോക്രാറ്റിക് സോഷ്യല് ജസ്റ്റിസ് പാര്ട്ടി (ഡി.എസ് .ജെ.പി) സ്ഥാനാര്ത്ഥി ദിലീപ് നായര്ക്ക് പിന്തുണ നല്കിയിട്ടുണ്ട്. ഇതിനിടെയാണ് കെ.എന്.എ ഖാദറെ വിജയിപ്പിക്കണമെന്ന് സുരേഷ് ഗോപി പറഞ്ഞിരിക്കുന്നത്.അതെ സമയം തലശ്ശേരിയില് സി.ഒ.ടി നസീറിനെ പിന്തുണയ്ക്കാന് ബി.ജെ.പി തീരുമാനം. സി.ഒ.ടി നസീര് ബി.ജെ.പി പിന്തുണനല്കണമെന്ന് അഭ്യര്ത്ഥിച്ചതിനെ തുടര്ന്നാണ് തീരുമാനം.തലശ്ശേരിയില് എന്.ഡി.എ സ്ഥാനാര്ത്ഥി എന്. ഹരിദാസിന്റെ പത്രിക തള്ളിപോയിരുന്നു. നിലവില് എന്.ഡി.എയ്ക്ക് തലശ്ശേരിയില് സ്ഥാനാര്ത്ഥിയില്ല.ബി.ജെ.പിയ്ക്ക് സ്ഥാനാര്ത്ഥിയില്ലാത്തതിനാല് വോട്ട് കിട്ടുമെന്ന് പ്രതീക്ഷിക്കുന്നതായി സി.ഒ.ടി നസീര് നേരത്തെ പറഞ്ഞിരുന്നു. തുടര് നടപടി ബി.ജെ.പി നേതാക്കളുമായി സംസാരിച്ച് തീരുമാനിക്കുമെന്നും അദ്ദേഹം പറഞ്ഞിരുന്നു.തലശ്ശേരിയില് ബി.ജെ.പിയുമായി സഖ്യത്തിനില്ലെന്ന് നേരത്തെ സി.ഒ.ടി നസീര് അറിയിച്ചിരുന്നു. ലോക്സഭാ തെരഞ്ഞെടുപ്പില് വടകരയില് മത്സരിച്ചതിന് ആക്രമിക്കപ്പെട്ടയാളാണ് നസീര്. ആക്രമണത്തിന് പിന്നില് തലശ്ശേരി എം.എല്.എ ഷംസീറാണെന്ന് നസീര് പറഞ്ഞിരുന്നു.സി.പി.ഐ.എം ലോക്കല് കമ്മിറ്റി അംഗവും, നഗരസഭാ കൗണ്സിലറും ആയിരുന്നു നസീര്2016ല് കണ്ണൂര് ജില്ലയില് ബി.ജെ.പിക്ക് ഏറ്റവും കൂടുതല് വോട്ട് കിട്ടിയ മണ്ഡലമാണ് തലശേരി. 22,125 വോട്ടുകളാണ് ബി.ജെ.പിക്ക് വേണ്ടി മത്സരിച്ച സജീവന് അന്ന് ഇവിടെ നേടിയത്. ഇവിടെയാണ് ജില്ലാ പ്രസിഡന്റ് കൂടിയായ എന്. ഹരിദാസിന്റെ പത്രിക തളളിയത്.ബി.ജെ.പി ഇത്തവണ ഏറെ പ്രതീക്ഷ വെച്ചിരുന്ന മണ്ഡലം കൂടിയായതിനാലാണ് ബി.ജെ.പി ജില്ലാ പ്രസിഡന്റിനെ തന്നെ രംഗത്തിറക്കാന് തീരുമാനിച്ചിരുന്നത്..
https://www.facebook.com/Malayalivartha
