ചരിത്രപ്രധാനമായ കോഴിക്കോട് നഗരം ലോകനിലവാരത്തിലേക്ക് ഉയരണമെന്ന് ബി.ജെ.പി സംസ്ഥാന ജന:സെക്രട്ടറിയും നോർത്ത് മണ്ഡലത്തിലെ എൻഡിഎ സ്ഥാനാർത്ഥിയുമായ എം.ടി.രമേശ്. ചരിത്രത്തിലില്ലാത്ത വണ്ണം രാജ്യം പുരോഗതി കൈവരിച്ചുകൊണ്ടിരിക്കുന്ന ഈ സമയത്ത് ആ വികസനത്തോടൊപ്പം ഒപ്പം കോഴിക്കോട് ഉണ്ടാകണമെന്ന് അദ്ദേഹം പറഞ്ഞു.

ചരിത്രപ്രധാനമായ കോഴിക്കോട് നഗരം ലോകനിലവാരത്തിലേക്ക് ഉയരണം എന്നും അതിനു വേണ്ടത് കേന്ദ്രസഹായത്തോടെ കൂടിയുള്ള പദ്ധതികൾ ആണെന്നും എന്നും അദ്ദേഹം പറഞ്ഞു.

അനവധി പ്രശ്നങ്ങളിലൂടെയാണ് മണ്ഡലത്തിലെ ജനങ്ങൾ കടന്നുപോകുന്നത് സഞ്ചാരയോഗ്യമല്ലാത്ത റോഡുകൾ കുടിവെള്ള പ്രശ്നവും, തീരദേശ മേഖലകളിലുള്ള സുരക്ഷാഭീഷണിയും ഒക്കെ ഇതിൻറെ നേർക്കാഴ്ചകളാണ്. ഈ നാടു ഭരിച്ച സർക്കാറിനോ നഗരസഭയ്ക്കും ഇതിനൊരു ഇതിനുവേണ്ട പരിഹാരം കാണാൻ സാധിച്ചിട്ടില്ല എന്നും അദ്ദേഹം കുറ്റപ്പെടുത്തുകയും ചെയ്തു . 

അഴിമതിയിൽ മുങ്ങിയ ഇടതു വലതു മുന്നണികൾക്ക് ഒരു ബദൽ ബി ജെ പി നയിക്കുന്ന എൻ ഡി എ മാത്രമാണ് ഇന്നുള്ളത്. യുഡിഎഫിൻ്റെ അഴിമതിയിൽ മുങ്ങിത്താണ കേരളത്തെ രക്ഷിക്കാൻ എൽ ഡി എഫ് എല്ലാം ശരിയാക്കാമെന്ന് പറഞ്ഞാണ് അധികാരത്തിലേറിയത്.

എന്നാൽ ഇന്നേ വരെ ഉണ്ടാകാത്ത തരത്തിലുള്ള അഴിമതിയുടെയും വിധ്വംസക പ്രവർത്തനങ്ങളുടെ കേന്ദ്രമായും കേരളത്തെ മാറ്റുകയാണ് പിണറായി വിജയൻ്റെ നേതൃത്വത്തിലുള്ള എൽഡിഎഫ് സർക്കാർ ചെയ്തത്. വിശ്വാസികളുടെ ആചാരങ്ങളുടെ മേലുള്ള കടന്നുകയറ്റവും സ്വജനപക്ഷപാതവും പിൻവാതിൽ നിയമനവും സ്ത്രീകൾക്ക് മേലുള്ള അതിക്രമവും വർധിച്ചു.

നാട്ടിൽ സമാധാനമായി ജീവിക്കാൻ കഴിയാത്ത അവസ്ഥയാണ് സംജാതമാക്കിയത്. പൊതുജനം ഭയപ്പെട്ടു ജീവിക്കേണ്ട അവസ്ഥയാണ് പിണറായിയുടെ ഭരണത്തിൽ ഉണ്ടായത്. വികസനമെന്നത് മലയാളിക്ക് ദിവാസ്വപ്നമായി മാറിയാനും.

അഴിമതി കാരണം വികസന പ്രവർത്തനങ്ങളിൽ മറ്റ് സംസ്ഥാനങ്ങളെ അപേക്ഷിച്ച് കേരളം വളരെ പിന്നോട്ട് പോയിരിക്കുകയാണ്. അന്ധമായ രാഷ്ട്രീയമാണ് നമ്മെ വികസനത്തിൽ പിന്നോട്ടടിക്കുന്നത്.

ലോക രാജ്യങ്ങൾക്ക് മാതൃകയായി നമ്മുടെ രാജ്യം പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ മുന്നോട്ട് കുതിക്കുമ്പോൾ നമ്മുടെ കൊച്ചു കേരളവും രാജ്യത്തോടൊപ്പം മുന്നേറേണ്ടതുണ്ട്.

അതിന് അഴിമതി രഹിത പ്രീണന രഹിത ഭരണം കേരളത്തിലും ഉണ്ടാകണം.. അതിനായി ദേശീയ ജനാധിപത്യ സഖ്യത്തിൻ്റെ സ്ഥാനാർത്ഥികളെ വിജയിപ്പിക്കണം എന്നും അദ്ദേഹം പറഞ്ഞു .