'മട്ടന്‍ ബിരിയാണിയുടെ ബാലാപാഠങ്ങള്‍'; കെം.എം. ഷാജി എം.എല്‍.എയ്ക്ക് എതിരായ ബെന്യാമിന്റെ പരിഹാസത്തിൽ മറുപടിയുമായി മുന്‍ എം.എല്‍.എ ആര്‍. ശെല്‍വരാജ്
കെം.എം. ഷാജി എം.എല്‍.എയുടെ വീട്ടില്‍നടന്ന വിജിലന്‍സ് റെയ്ഡിന് പിന്നാലെ ഷാജിയെ പരിഹസിച്ച്‌ ഫെയ്‌സ്ബുക്ക് പോസ്റ്റിട്ട ബെന്യാമിന് മറുപടിയുമായി മുന്‍ എം.എല്‍.എ ആര്‍. ശെല്‍വരാജ് രംഗത്ത്. 'ഇഞ്ചികൃഷിയുടെ ബാലപാഠങ്ങള്‍' എന്ന തലക്കെട്ടില്‍ എഴുതിയ കുറിപ്പില്‍ കെ.എം ഷാജിക്കെതിരെ ബെന്യാമിന് നടത്തിയ പരിഹാസത്തിന് മറുപടി നല്‍കുകയാണ് മട്ടന്‍ ബിരിയാണിയുടെ ബാലപാഠങ്ങള്‍ എന്ന തലക്കെട്ടിലുള്ള ആര്‍. ശെല്‍വരാജിന്റെ ഫേസ്ബുക് പോസ്റ്റ്.
ആര്‍. ശെല്‍വരാജിന്റെ ഫേസ്ബുക്ക് പോസ്റ്റിന്റെ പൂര്‍ണ്ണരൂപം.
ബെന്യാമിന്റെ പുസ്തകങ്ങള്‍ എനിക്ക് വലിയ ഇഷ്ടമാണ്. അതിനെക്കാള്‍ ഇഷ്ടമാണ് അദ്ദേഹത്തിന്റെ ഫെയ്സ് ബുക്ക് പോസ്റ്റുകള്‍. സിപിഎമ്മിന്‍്റെ അടിമ ജീവിതം നയിക്കുന്ന അദ്ദേഹം ഒരു ഉളുപ്പുമില്ലാതെ ഇടുന്ന അടിമ പോസ്റ്റുകളൊക്കെ അധികം വൈകാതെ തന്നെ സെല്‍ഫ് ഗോളുകളാകാറുണ്ടെന്നത് കൊണ്ടാണത്.
അദ്ദേഹത്തെ പോലെ നോവലെഴുതാനുള്ള കഴിവെനിക്കില്ല. എന്നാല്‍ ഇന്നലെ അദ്ദേഹം എഴുതിയ ഒരു ഫെയ്സ് ബുക്ക് നോവല്‍ ഇന്നിന്റെ പ്രസക്തിക്കനുസരിച്ച്‌ ഒന്ന് പുന:രചന നടത്താനുള്ള എളിയ ശ്രമമാണ്.
പുതിയ നോവല്‍ :
മട്ടന്‍ ബിരിയാണി (ആട് ബിരിയാണി ) യുടെ ബാലാപാഠങ്ങള്‍.
അധ്യായങ്ങള്‍ :
1. ആട് ബിരിയാണി ഉണ്ടാക്കുന്ന വിധം
2. രാജിക്കത്ത് എഴുതേണ്ടത് എങ്ങനെ?
3. മുങ്ങുന്ന കപ്പലില്‍ നിന്ന് ഒരു മുഴം മുമ്ബെ
4. മട്ടന്റെ രുചി
5. മരുമോന്റെ ജോലി
6. ചോദ്യം ചെയ്യലില്‍ തലയില്‍ മുണ്ടിട്ട്
7. വിജിലന്‍സും കസ്റ്റംസും പിന്നെ ഞാനും
8. ഭാവി എന്ന ചോദ്യചിഹ്നം
9. അദീബ് എന്ന ചെകുത്താന്‍
അവസാന അധ്യായം
10. സത്യമെ ജയിക്കൂ.
NB: ഈ നോവലിനു ജീവിച്ചിരിക്കുന്നതോ ചത്തു പോയതോ ആയ ഏതെങ്കിലും ജലീലുമായി ഒരു ബന്ധവുമില്ല. ഉണ്ടെന്ന് തോന്നുന്നു എങ്കില്‍ മനഃപൂര്‍വ്വം മാത്രം.
https://www.facebook.com/Malayalivartha
