അവതാരക ലക്ഷ്മി നായരുടെ അച്ഛനും ലോ അക്കാദമി ഡയറക്ടറുമായ എന് നാരായണന് നായര് അന്തരിച്ചു
ലോ അക്കാദമി ഡയറക്ടറും സ്ഥാപകനുമായ കോലിയക്കോട് നാരായണന് നായര് (ഡോ എന് നാരായണന് നായര്) അന്തരിച്ചു. 92 വയസായിരുന്നു. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. കേരളത്തില് നിയമ പഠനവുമായി ബന്ധപ്പെട്ട് നിര്ണായക മാറ്റങ്ങള്ക്ക് തുടക്കമിട്ട വ്യക്തിയാണ്.
കേരള സര്വകലാശാലയില് നിന്ന് ആദ്യമായി നിയമത്തില് പി എച്ച് ഡി ലഭിച്ചയാളാണ് നാരായണന് നായര്. ബാര് കൗണ്സില് അംഗമായി ദീര്ഘകാലം പ്രവര്ത്തിച്ചിട്ടുണ്ട്.
മുന് ഐ എ എഎസ് ഉദ്യോഗസ്ഥ പൊന്നമ്മയാണ് ഭാര്യ. രാജ് നാരായണന്, ടെലിവിഷന് അവതാരക ലക്ഷ്മി നായര് (ലോ അക്കാദമി മുന് പ്രിന്സിപ്പള്) നാഗരാജ് നാരായണന് (കേരള ഹൈക്കോടതി മുതിര്ന്ന അഭിഭാഷകന്)എന്നിവരാണ് മക്കള്.
അടുത്ത സുഹൃത്ത് കൂടിയായ എന് നാരായണന് നായരുടെ നിര്യാണത്തില് മുഖ്യമന്ത്രി പിണറായി വിജയന് അനുശോചനം രേഖപ്പെടുത്തി. 'കേരളത്തിന്റെ നിയമപഠന മേഖലയില് തന്റേതായ വ്യക്തിമുദ്ര പതിപ്പിച്ച അധ്യാപകനും നിയമവിദഗ്ധനുമാണ് നാരായണന് നായര്.
ജീവിതകാലം മുഴുവന് നിയമ പഠനത്തിന്റെ പുരോഗതിക്കും അത് കൂടുതല് ജനകീയമാക്കുന്നതിനും അദ്ദേഹം പ്രയത്നിച്ചു. സാമൂഹിക പ്രശ്നങ്ങളില് അദ്ദേഹം സജീവമായി ഇടപെട്ടിരുന്നു. അദ്ദേഹത്തിന്റെ വിയോഗം കേരളത്തിന്റെ നിയമ പഠന മേഖലയ്ക്ക് വലിയ നഷ്ടമാണ്.' മുഖ്യമന്ത്രി പറഞ്ഞു
https://www.facebook.com/Malayalivartha
