തലശ്ശേരി ഗ്രാമത്തിൽ റമദാൻ ദിനത്തിൽ അന്ധനായ അച്ഛനെ മകൻ വെട്ടിക്കൊലപ്പെടുത്തിയതിന്റെ ഞെട്ടൽ വിട്ടുമാറാതെ ഇപ്പോഴും തലശ്ശേരി ഗ്രാമം. താ​ന്‍ വാ​പ്പ​യെ മ​ട​വാ​ള്‍​കൊ​ണ്ട് വെ​ട്ടി​ക്കൊ​ന്നു എ​ന്ന വി​വ​രം ബു​ധ​നാ​ഴ്ച ഉ​ച്ച​ക്ക് 12നാ​ണ് മ​ക​ന്‍ ജ​മാ​ല്‍ (31) ത​ല​ശ്ശേ​രി​യി​ല്‍ പ​ല​ച​ര​ക്ക് ക​ട ന​ട​ത്തു​ന്ന എ​സ്.​എം. ഇ​ബ്രാ​ഹി​മി​നെ ഫോ​ണി​ലൂ​ടെ വിളിച്ച് അറിയിക്കുന്നത്.

തുടർന്ന് ഇ​ബ്രാ​ഹീ​മാ​ണ് നാ​ട്ടു​കാ​രെ​യും പൊ​ലീ​സി​നെ​യും വിവരം അറിയിക്കുന്നത്. ഉ​ച്ച​ക്ക് ഒ​ന്നു​വ​രെ വാ​പ്പ​യു​ടെ ശ​രീ​ര​ത്തി​ന് അ​രി​കി​ല്‍ ഒ​രു മ​ണി​ക്കൂ​റോ​ളം കാ​വ​ല്‍ ഇ​രി​ക്കു​ക​യാ​യി​രു​ന്നു. മു​ഖ​ത്ത് ക്ഷീ​ണ​മോ ഭാ​വ​വ്യ​ത്യാ​സ​ങ്ങ​ളോ ഇ​ല്ലാ​തെ പൊ​ലീ​സു​കാ​രു​ടെ ചോ​ദ്യ​ങ്ങ​ള്‍​ക്കെ​ല്ലാം ശാ​ന്ത​മാ​യാ​ണ് ജ​മാ​ല്‍ മ​റു​പ​ടി നൽകിയിരുന്നത്.

സ്വ​ന്തം പി​താ​വി​നെ ഇ​ത്ര ക്രൂ​ര​മാ​യി കൊ​ല ചെ​യ്യാ​ന്‍ എ​ന്താ​ണ് കാ​ര​ണ​മെ​ന്ന് ഇ​പ്പോ​ഴും നാ​ട്ടു​കാ​ര്‍​ക്ക് വ്യക്തമായി അറിയില്ല. ഈ ​വി​വ​രം അ​റി​ഞ്ഞ് നി​ര​വ​ധി പേ​രാ​യിരുന്നു ഇ​വ​രു​ടെ വീ​ട്ടി​ലേ​ക്ക് ഒ​ഴു​കി എ​ത്തി​യ​ത്.

അ​ന്ധ​നാ​യ മു​ഹ​മ്മ​ദ് ഭാ​ര്യ​യെ​യും മ​റ്റു മ​ക്ക​ളെ​യും ഉ​പേ​ക്ഷി​ച്ച​തി​നു​ശേ​ഷം ജ​മാ​ലിന്‍റെ കൂ​ടെ​യാ​യിരുന്നു താമസിച്ചത്. അ​ധി​ക ദി​വ​സ​ങ്ങ​ളി​ലും മു​ഹ​മ്മ​ദ് പ​ള്ളി​ക​ളി​ലും മ​റ്റും പോ​യി ഇ​രി​ക്കു​ക​യാ​ണ് പ​തി​വ്.

നാ​ട്ടി​ലെ​ത്തി​യാ​ലും അ​ധി​ക ദി​വ​സ​വും മ​കന്‍റെ വീ​ട്ടി​ല്‍ പോ​കാ​റി​ല്ല. കു​ണ്ടും കു​ഴി​യും നി​റ​ഞ്ഞു​ള്ള പാ​ട​വ​ര​മ്പി ​ലൂ​ടെ ന​ട​ക്കാ​ന്‍ ബു​ദ്ധി​മു​ട്ടാ​യ​തു കൊ​ണ്ട്​ തൊ​ട്ട​ടു​ത്ത ബ​സ് സ്​​റ്റോ​പ്പി​ലാ​ണ് രാ​ത്രി കാ​ല​ങ്ങ​ളി​ല്‍ ക​ഴി​യാ​റു​ള്ള​ത്. റ​മ​ദാ​ന്‍ മാ​സം ആ​യ​തോ​ടെ​യാ​ണ് മു​ഹ​മ്മ​ദ് മ​കന്‍റെ വീ​ട്ടി​ലേ​ക്ക് പോയത്...

ഇ​തി​നി​ട​യി​ലായിരുന്നു ജ​മാ​ലി​നോ​ട് പി​ണ​ങ്ങി ഭാ​ര്യ​യും മ​ക്ക​ളും ഭാ​ര്യ​യു​ടെ വീ​ട്ടി​ല്‍ പോകുന്നത്. ഇതിനുശേഷം പി​താ​വും മ​ക​നും മാ​ത്ര​മാ​ണ് വീ​ട്ടി​ല്‍ ഉ​ണ്ടാ​യി​രു​ന്ന​ത്. ജ​മാ​ലി​നെ​യും പി​താ​വി​നെ​യും കു​റി​ച്ച്‌ നാ​ട്ടു​കാ​ര്‍​ക്കെ​ല്ലാം ന​ല്ല അ​ഭി​പ്രാ​യമാണുള്ളത്.

ഭാ​ര്യ പോ​യ​തോ​ടെ ജ​മാ​ലി​ന് അ​സ്വ​സ്ഥ​ത അ​നു​ഭ​വ​പ്പെ​ട്ടി​ട്ടു​ണ്ടാ​യി​രു​ന്നു. വാ​പ്പ​യും മ​ക​നും വ​ഴ​ക്കു​കൂ​ടി​യ​താ​ണ് കൊ​ല ചെ​യ്യാ​നു​ള്ള കാ​ര​ണം എ​ന്നാ​ണ് പൊ​ലീ​സ് വ്യക്തമാക്കിയിരിക്കുന്നത്.