നെടുമ്പാശ്ശേരി വിമാനത്താളം വഴിയുള്ള സ്വര്ണക്കടത്ത് നിയന്ത്രിക്കുന്നത് ചെന്നൈ ലോബി; വിമാന കമ്പനി ജീവനക്കാരന് മന്ഹാസ് അബുലീസിനെ ചോദ്യം ചെയ്തതിന് പിന്നാലെ വരുന്നത് നിർണായക വിവരങ്ങൾ, രാജ്യത്തെ പല വിമാനത്താവളങ്ങള് വഴി നേരത്തെയും സ്വര്ണം കടത്തിയിട്ടുണ്ടെന്ന് സൂചന
നെടുമ്പാശ്ശേരി വിമാനത്താളം വഴിയുള്ള സ്വര്ണക്കടത്ത് നിയന്ത്രിക്കുന്ന ചെന്നൈ ലോബിയാണെന്ന സൂചന കസ്റ്റംസിന് ലഭിക്കുകയുണ്ടായി. നെടുമ്പാശ്ശേരി വിമാനത്താവളത്തില് സ്വര്ണവുമായി പിടിയിലായ വിമാന കമ്പനി ജീവനക്കാരന് മന്ഹാസ് അബുലീസിനെ ചോദ്യം ചെയ്തപ്പോഴാണ് കസ്റ്റംസിന് ഏറെ നിര്ണായക വിവരങ്ങള് ലഭിച്ചിരിക്കുന്നത്.
ഇയാള് രാജ്യത്തെ പല വിമാനത്താവളങ്ങള് വഴി നേരത്തെയും സ്വര്ണം കടത്തിയിട്ടുണ്ടെന്നാണ് അന്വേഷണസംഘത്തിന് ലഭിച്ചവിവരം .എന്നത്. നെടുമ്പാശ്ശേരി വിമാനത്താവളം വഴി മാത്രം ആറുതവണ സ്വര്ണം കടത്തിയിട്ടുണ്ട്. ഇതിന് പുറമേ ചെന്നൈ, മധുര തുടങ്ങിയ വിമാനത്താവളങ്ങള് വഴിയും സ്വര്ണകടത്ത് നടത്തിയതായിയാണ് ലഭ്യമാകുന്ന വിവരം.
സ്പൈസ് ജെറ്റിലെ സീനിയര് കാബിന് ക്രൂവാണ് മന്ഹാസ് അബുലീസ്. കഴിഞ്ഞ ദിവസമാണ് ഇയാളെ 2.55 കിലോ സ്വര്ണമിശ്രിതവുമായി ഡി.ആര്.ഐ. കയ്യോടെ പിടികൂടിയത്. റാസല്ഖൈമയില്നിന്ന് കൊച്ചിയിലേക്ക് സര്വീസ് നടത്തിയ വിമാനത്തില് കാബിന് ക്രൂവായിരുന്നു. സ്വര്ണം മിശ്രിതമാക്കി കാര്ബണ് പേപ്പറില് പൊതിഞ്ഞ് അടിവസ്ത്രത്തിനുള്ളില് പ്രത്യേകം അറയുണ്ടാക്കിയാണ് ഒളിപ്പിച്ചിരുന്നത്.
എന്നാൽ ലഭ്യമായ രഹസ്യവിവരത്തെ തുടര്ന്ന് ഡി.ആര്.ഐ. ഉദ്യോഗസ്ഥര് വിമാനത്താവളത്തിലെത്തി കസ്റ്റംസ് എയര് ഇന്റലിജന്സിന്റെ സഹകരണത്തോടെ കാബിന് ക്രൂവിനെ പിടികൂടുകയായിരുന്നു. നിലവില് കൊച്ചിയിലെ കസ്റ്റംസ് എയര് ഇന്റലിജന്സ് വിഭാഗത്തിനാണ് കേസിന്റെ അന്വേഷണച്ചുമതല നൽകിയിരിക്കുന്നത്.
മന്ഹാസിന് പുറമേ മലപ്പുറം സ്വദേശി ജെയ്നാബിനെയും കഴിഞ്ഞദിവസം നെടുമ്പാശ്ശേരി വിമാനത്താവളത്തില് സ്വര്ണവുമായി പിടികൂടിയിരുന്നു. ജെയ്നാബിന്റെ പക്കല്നിന്നും 915 ഗ്രാം സ്വര്ണമിശ്രിതമാണ് പിടിച്ചെടുത്തത്. ഇന്ഡിഗോ വിമാനത്തില് ദുബായില്നിന്ന് എത്തിയതാണിയാള്. സ്വര്ണമിശ്രിതം കാപ്സ്യൂള് രൂപത്തിലാക്കി മലദ്വാരത്തില് ഒളിപ്പിച്ചിരിക്കുകയായിരുന്നു.
https://www.facebook.com/Malayalivartha
