രാജ്യസഭയിലേക്കുള്ള സിപിഎം സ്ഥാനാര്ഥികൾ പിണറായി വിജയന്റെ ഇഷ്ടക്കാരെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്
രാജ്യസഭയിലേക്ക് സിപിഎം കണ്ടെത്തിയ രണ്ട് സ്ഥാനാര്ഥികളും മുഖ്യമന്ത്രിയും പിബി അംഗവുമായ പിണറായി വിജയന്റെ ഇഷ്ടക്കാരാണെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്. മുഖ്യമന്ത്രിക്ക് ഇല്ലാത്ത പ്രതിച്ഛായ വര്ധിപ്പിക്കാന് പിആര് ഏജന്സികള്ക്കു പിന്നില് കഴിഞ്ഞ അഞ്ചുവര്ഷമായി പ്രവര്ത്തിച്ച മുഖ്യ ബുദ്ധികേന്ദ്രങ്ങളാണ് സിപിഎം രാജ്യസഭ സ്ഥാനാര്ഥികളായ ഇരുവരുമെന്ന് മുല്ലപ്പള്ളി പറഞ്ഞു.
മുഖ്യമന്ത്രിയുടെയും കുടുംബത്തിന്റെയും വിശ്വസ്തരാണെന്ന പ്രത്യേകതയും ഇവര്ക്കുണ്ട്. ഒരാള് മുഖ്യമന്ത്രിയുടെ പിആര് ഏജന്സികളുടെ പൂര്ണചുമതല ഏറ്റെടുത്തപ്പോള് മറ്റെയാള് സമൂഹമാധ്യമങ്ങളുടെ മേല്നോട്ടമാണ് നിര്വഹിച്ചത്. ഇക്കാര്യം പാര്ട്ടിക്കുള്ളില് രഹസ്യമായ ചര്ച്ചയാണ്.
പാര്ട്ടിക്കായി കഷ്ടപ്പെട്ടും കഠിനാധ്വാനം ചെയ്തും പ്രവര്ത്തിച്ച മുതിര്ന്ന നേതാക്കളെയും കഴിവും കാര്യശേഷിയുമുള്ള മറ്റു ഉന്നത സിപിഎം നേതാക്കളെയും പൂര്ണമായും അവഗണിച്ചാണ് മുഖ്യമന്ത്രി തന്റെ ഇഷ്ടക്കാര്ക്ക് രാജ്യസഭ സീറ്റ് നല്കിയത്. കോടിയേരി ബാലകൃഷ്ണന്, പി.ജയരാജന്, ഇ.പി ജയരാജന്, എം.വി ജയരാജന്, ജി.സുധാകരന്,തോമസ് ഐസക്, എ.കെ ബാലന് തുടങ്ങിയ മുന്നിര നേതാക്കളെയും കഴിവ് തെളിയിച്ച യുവജന വിദ്യാര്ഥി നേതാക്കളെയും പരിഗണിക്കാതെയാണ് ജോണ് ബ്രിട്ടാസിനും ശിവദാസിനും രാജ്യസഭാ സീറ്റ് സമ്മാനിച്ചത്- മുല്ലപ്പള്ളി കൂട്ടിച്ചേര്ത്തു.
https://www.facebook.com/Malayalivartha