നിയമസഭാ തെരഞ്ഞെടുപ്പിലെ കോണ്‍ഗ്രസിന്റെ ദയനീയ പരാജയത്തിന്​ പിന്നാലെ പ്രതികരിച്ച്‌​ കെ. സുധാകരന്‍. കോണ്‍ഗ്രസ്​ ഒരു കൊടുങ്കാറ്റായി തിരിച്ചുവരുമെന്ന്​ അദ്ദേഹം ഫേസ്​ബുക്കില്‍ പങ്കുവെച്ച കുറിപ്പില്‍ പറഞ്ഞു. 'ആടിയുലയുന്ന കടല്‍ തിരകളിലും ആഞ്ഞ് വീശുന്ന കൊടുങ്കാറ്റിലും തിമിര്‍ത്ത് പെയ്യുന്ന മഴയിലും ചുട്ട് പൊള്ളുന്ന വെയിലത്തും വാടുന്ന പ്രസ്ഥാനമല്ല കോണ്‍ഗ്രസ്സ്. കാലം കരുതി വെച്ച പുത്തന്‍ തളിരുകള്‍ നെഞ്ചിലേറ്റി കോണ്‍ഗ്രസ്സ് ഒരു കൊടുങ്കാറ്റായി തിരിച്ചു വരും...' -സുധാകരന്‍ കുറിച്ചു.

അതേസമയം, തോല്‍വിക്ക്​ പിന്നാലെ കോണ്‍ഗ്രസില്‍ നേതൃമാറ്റത്തിനായുള്ള മുറവിളിയുയരുമെന്ന സൂചനയുമുണ്ട്​. കെ.പി.സി.സി അധ്യക്ഷനായി കെ. സുധാകരനെ വേണമെന്ന്​ ഒരു വിഭാഗം ആവശ്യപ്പെടാന്‍ സാധ്യതയുണ്ട്​. അതോടൊപ്പം പ്രതിപക്ഷനേതാവായി രമേശ്​ ചെന്നിത്തല തിരിച്ചെത്താനിടയില്ലെന്നും സൂചനയുണ്ട്​.