കോവിഡ്​ -19 ആര്‍.ടി.പി.സി.ആര്‍ പരിശോധനാ നിരക്ക് കുറച്ച് കൊണ്ട് തീരുമാനം വന്നിരുന്നു. ​നേരത്തെ 1700 രൂപയായിരുന്നു ലാബുകള്‍ ഈടാക്കിയിരുന്നത്​. എന്നാൽ 500 രൂപയായിട്ടായിരുന്നു ആര്‍.ടി.പി.സി.ആര്‍ പരിശോധനാ നിരക്ക് കുറച്ചത്. എന്നാൽ ഈ തീരുമാനത്തിൽ വമ്പൻ പ്രതിഷേധവുമായി സ്വകാര്യ ലാബുകള്‍ ഹൈക്കോടതിയിലേക്ക് .

സര്‍ക്കാര്‍ ഉത്തരവ്​ റദ്ദാക്കണമെന്നാണ്​ ലാബുകൾ ഇപ്പോൾ ഉയർത്തുന്ന ആവശ്യം. ഇല്ലെങ്കിൽ സബ്​സഡി നല്‍കണമെന്നും അവർ ആവശ്യപ്പെടുന്നു . സര്‍ക്കാര്‍ ഉത്തരവ്​ ഐ.സി.എം.ആര്‍ നിര്‍ദേശങ്ങള്‍ക്ക്​ വിരുദ്ധമാണെന്നും ഹരജിയില്‍ ചൂണ്ടിക്കാട്ടിയിട്ടുണ്ട്. കേസ്​ കോടതി ചൊവ്വാഴ്ച പരിഗണിക്കുവാൻ ഇരിക്കുകയാണ്.

1700 രൂപ നിരക്ക്​ രാജ്യത്തെ തന്നെ ഏറ്റവും ഉയര്‍ന്നതാണെന്ന പരാതി വ്യാപകമായിരുന്നു. സര്‍ക്കാര്‍ ആശുപത്രികളില്‍ കോവിഡ് പരിശോധന സൗജന്യമാണെങ്കിലും സ്വകാര്യ ആശുപത്രികളിലും ലാബുകളിലും വന്‍ വില ഈടാക്കുന്നത് വിവാദമായ സാഹചര്യത്തിലാണ്​ നിരക്ക്​ കുറച്ചത്​.

ഐ.സി.എം.ആര്‍ അംഗീകരിച്ച ടെസ്റ്റ് കിറ്റുകള്‍ കുറഞ്ഞ നിരക്കില്‍ വിപണിയില്‍ ലഭ്യമായ സാഹചര്യം പരിഗണിച്ചായിരുന്നു ​ പരിശോധന നിരക്ക് കുറച്ചതെന്ന്​ മന്ത്രി കെ.കെ. ശൈലജ പവ്യക്തമാക്കി . ടെസ്റ്റ് കിറ്റ്, വ്യക്തിഗത സുരക്ഷാ ഉപകരണങ്ങള്‍, സ്വാബ് ചാര്‍ജ് തുടങ്ങിയവ ഉള്‍പ്പെടെയാണ് ഈ നിരക്ക്.

എന്നാല്‍, 500 രൂ​പ​യാ​ക്കി​യ സ​ര്‍​ക്കാ​ര്‍ തീ​രു​മാ​നം ഒരുവിഭാഗം ലാബുകള്‍ തുടക്കം മുതലേ അംഗീകരിച്ചിരുന്നില്ല. ആ​ര്‍.​ടി.​പി.​സി.​ആ​ര്‍ ന​ട​ത്താ​നാ​വി​ല്ലെ​ന്ന്​ കാണിച്ച്‌​ പ​ല​യി​ട​ത്തും പ​രി​ശോ​ധ​ന നി​ര്‍​ത്തി​വെ​ച്ചു. ഇതിനെതിരെ മുഖ്യമന്ത്രിയടക്കം രൂക്ഷമായി പ്രതികരിച്ചിരുന്നു.

അതേ സമയം രാജ്യത്ത്​ കോവിഡ്​ വാക്​സിന്‍ ക്ഷാമം ജൂലൈ വരെ തുടരുമെന്ന്​ സെറം ഇന്‍സ്റ്റിറ്റ്യൂട്ട്​ മേധാവി അദാര്‍ പൂനവാല പറഞ്ഞു . ജൂലൈ വരെ വാക്​സിന്‍ ക്ഷാമം അനുഭവപ്പെടും . ജൂലൈയോടെ വാക്​സിന്‍ ഉല്‍പ്പാദനം വര്‍ധിപ്പിക്കാനാകുമെന്നാണ്​ വിലയിരുത്തലെന്നും അദാര്‍ പൂനവാല പ്രതികരിച്ചതായി പ്രമുഖ ദേശീയ മാധ്യമം റിപ്പോര്‍ട്ട് ചെയ്​തു.

“നിലവില്‍ 60 മുതല്‍ 70 മില്ല്യണ്‍ വരെയാണ്​ ഉല്‍പാദനം. ജൂലൈയില്‍ ഉല്‍പാദനം 100 മില്ല്യനായി ഉയര്‍ത്തും. “രാജ്യത്ത്​ 18 വയസിന്​ മുകളിലുള്ളവര്‍ക്ക്​ വാക്​സിന്‍ വിതരണം ആരംഭിച്ചതിന്​ പിന്നാലെയായിരുന്നു അദാര്‍ പൂനവാല പറഞ്ഞു.

ഇന്ത്യയില്‍ കോവിഡിന്റെ രണ്ടാംതരംഗം ജനുവരിയില്‍ ആരംഭിക്കുമെന്ന്​ അധികൃതര്‍ കരുതിയിരുന്നില്ല. വ്യാപനം കുറഞ്ഞുവെന്നായിരുന്നു വിലയിരുത്തല്‍. എന്നാല്‍ കണക്കുകൂട്ടലുകള്‍ തെറ്റിച്ച്‌​ കോവിഡ്​ വ്യാപനം കുതിച്ചു.

ഓര്‍ഡറുകള്‍ ലഭിച്ചതോടെ വാക്​സിന്‍ ഉല്‍പാദനം വേഗത്തിലായിരുന്നു.പിന്നീട് വാക്​സിന്​ ഓര്‍ഡറുകളൊന്നുമുണ്ടായിരുന്നില്ല. അതിനാല്‍ പ്രതിവര്‍ഷം ഒരു ബില്ല്യണ്‍ ഡോസ്​ വാക്​സിന്‍ വേണ്ടിവരുമെന്ന്​ ഞങ്ങള്‍ കരുതിയിരുന്നില്ല -അദാര്‍ പൂനവാല വെളിപ്പെടുത്തി .

ആസ്​ട്രസെനകയും ഓക്​സ്​ഫഡ്​ സര്‍വകലാശാലയും വികസിപ്പിച്ചെടുത്ത കോവിഷീല്‍ഡ്​ വാക്​സിന്‍ ഉല്‍പാദിപ്പിക്കുന്നത്​ സെറം ഇന്‍സ്റ്റിറ്റ്യൂട്ടാണ്​. ഈ വര്‍ഷം ​ഇന്ത്യയില്‍നിന്ന്​ കോവിഷീല്‍ഡ്​ വാക്​സിന്‍ നിരവധി രാജ്യങ്ങളിലേക്ക് കേന്ദ്ര സര്‍ക്കാര്‍ ​ കയറ്റി അയച്ചിരുന്നു .