അടുത്തയാഴ്ച മുതല്‍ സംസ്ഥാനത്ത് സൗജന്യ ഭക്ഷ്യകിറ്റ് വിതരണം ചെയ്യുമെന്ന് ഭക്ഷ്യമന്ത്രി പി. തിലോത്തമന്‍. ഇതിനുള്ള തയ്യാറെടുപ്പുകള്‍ പൂര്‍ത്തിയായതായും, കിറ്റിലേക്കുള്ള ഉത്പന്നങ്ങള്‍ ആവശ്യത്തിന് സ്റ്റോക്കുണ്ടെന്നും അദ്ദേഹം പറഞ്ഞു.

വിലക്കയറ്റവും യാതൊരു ക്ഷാമവും ലോക്‌ഡൌണ്‍ കാലത്ത് ഉണ്ടാകില്ലെന്ന് മന്ത്രി പറഞ്ഞു. സാധനങ്ങളെത്തിക്കാന്‍ ഏറെ പ്രശ്‌നങ്ങളും തടസങ്ങളും കഴിഞ്ഞ തവണ ലോക്‌ഡൌണ്‍ കാലത്ത് ഉണ്ടായിരുന്നുവെന്നും വിതരണം കഴിഞ്ഞ തവണ നടത്തിയത് കപ്പലിലടക്കം ഭക്ഷ്യസാധനങ്ങള്‍ കൊണ്ടുവന്നാണെന്നും മന്ത്രി പറഞ്ഞു.

കൂടാതെ പൂഴ്ത്തിവെയ്പ്പും കരിഞ്ചന്തയും തടയുമെന്നും മന്ത്രി പറഞ്ഞു. റേഷന്‍ കാര്‍ഡില്ലാത്ത, അതിഥി തൊഴിലാളികള്‍ക്കുള്ള ഭക്ഷ്യകിറ്റ് വിതരണംജില്ലാഭരണകൂടത്തിന്റെ നിര്‍ദ്ദേശാനുസരണമാകുമെന്നും അദ്ദേഹം കൂട്ടിച്ചേര്‍ത്തു.

അടുത്തയാഴ്ച മുതല്‍ സംസ്ഥാനത്ത് സൗജന്യ ഭക്ഷ്യകിറ്റ് വിതരണം ആരംഭിക്കും, വിലക്കയറ്റം ഉണ്ടാകില്ലെന്ന് മന്ത്രി പറഞ്ഞു.