അഭിവാദ്യങ്ങള് സഖാവേ! അന്തംകമ്മികള്ക്ക് വിവരം ഇല്ലെങ്കിലും മുഖ്യമന്ത്രിക്ക് അതുണ്ട്; മുഖ്യമന്ത്രിയെ പുകഴ്ത്തി ശ്രീജിത്ത് പണിക്കർ
ആലപ്പുഴ പുന്നപ്രയില് കോവിഡ് രോഗിയെ ബൈക്കില് ആശുപത്രിയില് എത്തിച്ച് ജീവന് രക്ഷിച്ചതിനെ പരിഹസിച്ച രാഷ്ട്രീയ നിരീക്ഷകന് ശ്രീജിത്ത് പണിക്കര്ക്കെതിരെ രൂക്ഷ വിമർശനമായിരുന്നു ഉയർന്നത്. ഇപ്പോഴിതാ വിവാദങ്ങൾക്കിടയിൽ മുഖ്യമന്ത്രിയെ പുകഴ്ത്തി രംഗത്തെത്തിയിരിക്കുകയാണ് ശ്രീജിത്ത് പണിക്കര്. അന്തംകമ്മികള്ക്ക് വിവരം ഇല്ലെങ്കിലും മുഖ്യമന്ത്രിക്ക് അതുണ്ട് എന്നാണ് ശ്രീജിത്ത് പണിക്കരുടെ പ്രതികരണം. ഫേസ്ബുക് കുറിപ്പിലൂടെ അദ്ദേഹം ഇക്കാര്യം വ്യക്തമാക്കിയത്.
ഫേസ്ബുക്ക് കുറിപ്പിന്റെ പൂര്ണരൂപം വായിക്കാം...
അഭിവാദ്യങ്ങള് സഖാവേ! അന്തംകമ്മികള്ക്ക് വിവരം ഇല്ലെങ്കിലും മുഖ്യമന്ത്രിക്ക് അതുണ്ട്.
പിണറായി വിജയന്: 'ബൈക്ക് ആംബുലന്സിന് പകരമല്ല. ആംബുലന്സിന് പകരമായി ബൈക്ക് ഉപയോഗിക്കാനും കഴിയില്ല. നിര്ണായകഘട്ടത്തില് ആംബുലന്സിന് പകരം ഉപയോഗിക്കാനുള്ള വാഹനം തദ്ദേശ സ്ഥാപനങ്ങള് തയ്യാറാക്കി വെക്കണം. ഫസ്റ്റ്ലൈന് ട്രീറ്റ്മെന്റ് സെന്റര് ആണെങ്കിലും ഡൊമിസിലറി കെയര് സെന്റര് ആണെങ്കിലും അവിടെ ആരോഗ്യ പ്രവര്ത്തകരുണ്ടായിരിക്കണം. ഡൊമിസിലറി കെയര് സെന്ററുകളില് ആംബുലന്സ് ഉറപ്പാക്കണം.'
ലാല്സലാം!
അതേസമയം, കേരളത്തിൽ ഇന്ന് 41,971 പേര്ക്ക് കോവിഡ്-19 സ്ഥിരീകരിച്ചു. എറണാകുളം 5492, തിരുവനന്തപുരം 4560, മലപ്പുറം 4558, തൃശൂര് 4230, കോഴിക്കോട് 3981, പാലക്കാട് 3216, കണ്ണൂര് 3090, കൊല്ലം 2838, ആലപ്പുഴ 2433, കോട്ടയം 2395, കാസര്ഗോഡ് 1749, വയനാട് 1196, പത്തനംതിട്ട 1180, ഇടുക്കി 1053 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
കഴിഞ്ഞ ദിവസങ്ങളിലുണ്ടായ 64 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചു. ഇതോടെ ആകെ മരണം 5746 ആയി. ഇന്ന് രോഗം സ്ഥിരീകരിച്ചവരില് 387 പേര് സംസ്ഥാനത്തിന് പുറത്ത് നിന്നും വന്നവരാണ്. 38,662 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്.
2795 പേരുടെ സമ്പര്ക്ക ഉറവിടം വ്യക്തമല്ല. എറണാകുളം 5305, തിരുവനന്തപുരം 4271, മലപ്പുറം 4360, തൃശൂര് 4204, കോഴിക്കോട് 3864, പാലക്കാട് 1363, കണ്ണൂര് 2794, കൊല്ലം 2827, ആലപ്പുഴ 2423, കോട്ടയം 2244, കാസര്ഗോഡ് 1706, വയനാട് 1145, പത്തനംതിട്ട 1137, ഇടുക്കി 1019 എന്നിങ്ങനെയാണ് സമ്പര്ക്കത്തിലൂടെ രോഗം ബാധിച്ചത്.
127 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. കണ്ണൂര് 40, കാസര്ഗോഡ് 18, എറണാകുളം 17, തൃശൂര്, വയനാട് 9 വീതം, തിരുവനന്തപുരം, പത്തനംതിട്ട 8 വീതം, കൊല്ലം 6, പാലക്കാട് 5, കോഴിക്കോട് 3, ഇടുക്കി 2, കോട്ടയം മലപ്പുറം 1 വീതം ആരോഗ്യ പ്രവര്ത്തകര്ക്കാണ് രോഗം ബാധിച്ചത്.
https://www.facebook.com/Malayalivartha