നിയമസഭാ തെരഞ്ഞെടുപ്പില്‍ കോണ്‍ഗ്രസ് നേരിട്ടത് ദയനീയ പരാജയമാണ്. അതിനു പിന്നാലെ പാര്‍ട്ടിക്കുള്ളില്‍ അതൃപ്തികളും ഉയര്‍ന്നുതുടങ്ങി. ഇപ്പോഴിതാ കെപിസിസി അധ്യക്ഷന്‍ മുല്ലപ്പളളി രാമചന്ദ്രനെതിരെ തലസ്ഥാനത്ത് പോസ്റ്ററുകള്‍. കെപിസിസിയിലെ സുഖജീവിതം അവസാനിപ്പിക്കണമെന്നും കടിച്ച്‌ തൂങ്ങിയാല്‍ പ്രവര്‍ത്തകര്‍ക്ക് അടിച്ചിറക്കേണ്ടി വരുമെന്നുമുള്ള പോസ്റ്ററുകള്‍ എംഎല്‍എ ഹോസ്റ്റലിന് മുന്നിലാണ് പ്രത്യക്ഷപ്പെട്ടത്. സേവ് കോണ്‍ഗ്രസിന്റെ പേരിലാണ് പോസ്റ്ററുകള്‍.

നിയമസഭാ തെരഞ്ഞെടുപ്പില്‍ കേരളത്തില്‍ യുഡിഎഫിനുണ്ടായ കൂട്ടത്തോല്‍വിക്ക് പിന്നാലെ നേതൃസ്ഥാനത്ത് നിന്നും മുല്ലപ്പള്ളിയെ മാറ്റണമെന്ന ആവശ്യം ശക്തമായിരുന്നു. എന്നാല്‍ ഹൈക്കമാന്റ് പറയാതെ രാജിവയ്ക്കില്ലെന്ന നിലപാടിലാണ് മുല്ലപ്പള്ളി.