അടിയന്തിര യാത്രകൾക്ക് ഈ-പാസ്സ് സംവിധാനം തയ്യാർ; പൊലീസ് അനുവദിക്കുന്ന ഈ-പാസിന് അപേക്ഷിക്കാനുളള ഓൺലൈൻ സംവിധാനം പ്രവർത്തനസജ്ജമായി
ലോക്ഡൗണില് അടിയന്തിരഘട്ടങ്ങളില് യാത്ര ചെയ്യുന്നതിന് പൊലീസ് നല്കുന്ന പാസിന് അപേക്ഷിക്കാനുളള ഓണ്ലൈന് സംവിധാനം പ്രവര്ത്തനക്ഷമമായി. https://pass.bsafe.kerala.gov.in/ എന്ന വെബ്സൈറ്റിലൂടെ പാസിന് അപേക്ഷിക്കാം. വളരെ അത്യാവശ്യമുളളവര് മാത്രമേ ഓണ്ലൈന് പാസിന് അപേക്ഷിക്കാവൂവെന്ന് മുഖ്യമന്ത്രി പിണറായി വിജയന് വാര്ത്താസമ്മേളനത്തില് അറിയിച്ചു.
അവശ്യസര്വ്വീസ് വിഭാഗത്തിലെ തിരിച്ചറിയല് കാര്ഡ് ഇല്ലാത്തവര്ക്കും വീട്ടുജോലിക്കാര്, തൊഴിലാളികള് എന്നിവര്ക്കുമാണ് ഓണ്ലൈനായി അപേക്ഷിക്കാവുന്നത്. ഇവര്ക്കുവേണ്ടി ഇവരുടെ തൊഴില്ദായകര്ക്കും അപേക്ഷിക്കാം. യാത്രാനുമതി കിട്ടിയാല് ഈ വെബ്സൈറ്റില് നിന്നുതന്നെ പാസ് ഡൗണ്ലോഡ് ചെയ്യാം. ജില്ലവിട്ട് യാത്ര ചെയ്യുന്നത് പൊതുവെ നിരുത്സാഹപ്പെടുത്താനാണ് തീരുമാനമെന്നും മുഖ്യമന്ത്രി പറഞ്ഞു. അടുത്ത ബന്ധുവിന്റെ മരണം, വിവാഹം, വളരെ അടുത്ത ബന്ധുവായ രോഗിയെ സന്ദര്ശിക്കല്, ഒരു രോഗിയെ ചികില്സാ ആവശ്യത്തിനായി മറ്റൊരിടത്തേയ്ക്ക് കൊണ്ടുപോകല് മുതലായ കാര്യങ്ങള്ക്ക് മാത്രമേ ജില്ല വിട്ട് യാത്ര അനുവദിക്കൂ. പൊലീസ് പാസിനോടൊപ്പം തിരിച്ചറിയല് കാര്ഡ് കൂടി കരുതേണ്ടതാണ്. വാക്സിനേഷന് പോകുന്നവര്ക്കും അത്യാവശ്യസാധനങ്ങള് വാങ്ങാനായി തൊട്ടടുത്തുളള കടകളില് പോകുന്നവര്ക്കും സത്യവാങ്മൂലം മതി. അതിന്റെ മാതൃകയും ഈ വെബ്സൈറ്റില് ലഭിക്കും. ഈ മാതൃകയില് വെളളപേപ്പറില് സത്യവാങ്മൂലം തയ്യാറാക്കിയാലും മതിയാകുമെന്നും മുഖ്യമന്ത്രി പറഞ്ഞു.
https://www.facebook.com/Malayalivartha