അർധരാത്രിയിൽ അപ്രതീക്ഷിതമായി ഓക്സിജന് സിലിണ്ടര് ലോഡെത്തി;ഇറക്കാൻ ആളില്ലാതായപ്പോൾ അധികൃതർ തൊഴിലാളിയൂണിയനെ ബന്ധപെട്ടു, പിന്നെ ഒന്നും നോക്കിയില്ല, പാതിരാത്രിയിൽ തൊഴിലാളികള് ലോഡിറക്കിയത് സൗജന്യമായി
എറണാകുളത്ത് കഴിഞ്ഞദിവസം രാത്രിയിൽ അപ്രതീക്ഷിതമായി ഓക്സിജൻ സിലിണ്ടർ ലോഡെത്തി ഇറക്കാൻ ആളില്ലാതായപ്പോൾ സഹായകമായത് തൊഴിലാളി യൂണിയൻ. ഇറക്കാന് ആളെ കിട്ടാതായപ്പോള് അധികൃതര് തൊഴില്വകുപ്പിനെ ബന്ധപ്പെടുകയായിരുന്നു.
തുടർന്ന് അവരാണ് തൊഴിലാളി യൂണിയന് നേതാക്കളുടെ സഹായത്താല് തൊഴിലാളികളെ വീട്ടില് നിന്ന് വിളിച്ചുവരുത്തി ലോഡ് ഇറക്കിയത്. തൊഴിലാളികളുടെ സേവനം പൂര്ണമായും സൗജന്യവുമായിരുന്നു.
കഴിഞ്ഞദിവസം രാത്രി പന്ത്രണ്ടുമണിക്ക് ശേഷമാണ് ആലുവയിൽ സിലിണ്ടറുകള് കൈകാര്യം ചെയ്യുന്നതിന് കയറ്റിറക്ക് തൊഴിലാളികളെ ആവശ്യമുണ്ടെന്ന് ചുമതലയുള്ള മോട്ടോര് വാഹന വകുപ്പ് ഉദ്യോഗസ്ഥന് ആലുവ അസി. ലേബര് ഓഫിസറോട് ആവശ്യപ്പെടുന്നത്.
ലേബര് ഓഫിസര് രാഖി. ഇ. ജി ഉടന് തന്നെ പ്രശ്നത്തില് ഇടപെട്ടു. പ്രദേശത്തെ ചുമട്ടുതൊഴിലാളി ക്ഷേമനിധി ബോര്ഡ്, ആലുവയിലെ ട്രേഡ് യൂണിയന് നേതാക്കള് എന്നിവരെ ഫോണില് വിളിച്ചു. അവര് തൊഴിലാളികളെ ബന്ധപ്പെടുകയും അവര് പാഞ്ഞെത്തി ലോഡ് ഇറക്കുകയും ചെയ്യുകയായിരുന്നു.
ജില്ലയുടെ മറ്റ് കേന്ദ്രങ്ങളിലും ഓക്സിജന് സിലിണ്ടറുകളുടെ കയറ്റിറക്ക് സുഗമമാക്കുന്നതിന് 24 മണിക്കൂറും തൊഴിലാളികള് ആത്മാര്ത്ഥമായ സഹകരണമാണ് നല്കുന്നതെന്ന് ഉദ്യോഗസ്ഥര് അറിയിച്ചു.
https://www.facebook.com/Malayalivartha