കേരളത്തില് അടുത്ത ദിവസങ്ങളില് കനത്ത മഴയ്ക്കു സാധ്യതയെന്ന് കാലാവസ്ഥ വകുപ്പ്....
കേരളത്തില് ഒറ്റപ്പെട്ടയിടങ്ങളില് കാറ്റിനും ഇടിമിന്നലോടുകൂടിയ മഴക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് . മുന്കരുതല് സ്വീകരിക്കാന് സംസ്ഥാന ദുരന്തനിവാരണ അതോറിറ്റി ജാഗ്രതനിര്ദേശം പുറപ്പെടുവിച്ചു.
ഉച്ചക്ക് രണ്ടുമുതല് രാത്രി 10 വരെയുള്ള സമയത്താണ് ഇടിമിന്നലിനുള്ള സാധ്യതയേറെയുള്ളത്. ഇത് മനുഷ്യന്റെയും മൃഗങ്ങളുടെയും ജീവനും വൈദ്യുതി ആശയവിനിമയ ശൃംഖലകള്ക്കും വൈദ്യുതി ചാലകങ്ങളുമായി ബന്ധിപ്പിച്ച വീട്ടുപകരണങ്ങള്ക്കും വലിയ നാശനഷ്ടമുണ്ടാക്കും.
ഇടിമിന്നല് ദൃശ്യമല്ല എന്നതിനാല് മുന്കരുതല് എടുക്കാതിരിക്കരുത്. ഇടിമിന്നല് സാധ്യത മനസ്സിലാക്കാന് കേന്ദ്ര കാലാവസ്ഥ വകുപ്പ് തയാറാക്കിയ 'ദാമിനി' മൊബൈല് ആപ്ലിക്കേഷന് ഉപയോഗിക്കാം.
ഇടിമിന്നല് മുന്കരുതല്
ഇടിമിന്നല് ആദ്യ ലക്ഷണം കണ്ടാലുടന് സുരക്ഷിതമായ കെട്ടിടത്തിനുള്ളിലേക്ക് മാറുക. തുറസ്സായ സ്ഥലങ്ങളില് തുടരുന്നത് മിന്നലേല്ക്കാനുള്ള സാധ്യത വര്ധിപ്പിക്കും. ഇടിമിന്നലുള്ള സമയത്ത് ജനലും വാതിലും അടച്ചിടുക, വാതിലിനും ജനലിനും അടുത്ത് നില്ക്കാതിരിക്കുക. കെട്ടിടത്തിനകത്ത് ഇരിക്കുകയും പരമാവധി ഭിത്തിയിലും തറയിലും സ്പര്ശിക്കാതിരിക്കാനും ശ്രമിക്കുക.
ഗൃഹോപകരണങ്ങളുടെ വൈദ്യുതിബന്ധം വിച്ഛേദിക്കുക. വൈദ്യുതി ഉപകരണങ്ങളുടെ സാമിപ്യവും ഇടിമിന്നലുള്ള സമയത്ത് ഒഴിവാക്കുക. ഇടിമിന്നലുള്ള സമയത്ത് ടെലിഫോണ് ഉപയോഗിക്കുന്നത് ഒഴിവാക്കണം. മൊബൈല് ഫോണ് ഉപയോഗിക്കുന്നതിന് കുഴപ്പമില്ല. കുട്ടികള് ഉച്ചക്ക് രണ്ടുമുതല് രാത്രി 10 വരെ അന്തരീക്ഷം മേഘാവൃതമാണെങ്കില്, തുറസ്സായ സ്ഥലത്തും ടെറസിലും കളിക്കുന്നത് ഒഴിവാക്കുക.
ഇടിമിന്നലുള്ള സമയത്ത് വൃക്ഷങ്ങളുടെ ചുവട്ടില് നില്ക്കരുത്. വാഹനങ്ങള് മരച്ചുവട്ടില് പാര്ക്ക് ചെയ്യരുത്. ഇടിമിന്നലുള്ള സമയത്ത് വാഹനത്തിനകത്തുതന്നെ തുടരുക. കൈകാലുകള് പുറത്തിടാതിരിക്കുക. സൈക്കിള്, ബൈക്ക്, ട്രാക്ടര് തുടങ്ങിയ വാഹനങ്ങളിലുള്ള യാത്ര ഇടിമിന്നല് സമയത്ത് ഒഴിവാക്കുകയും സുരക്ഷിതമായ ഒരു കെട്ടിടത്തില് അഭയം തേടുകയും വേണം.
കാറ്റില് വീഴാന് സാധ്യതയുള്ള വസ്തുക്കള് കെട്ടിവെക്കുക. ഇടിമിന്നലുള്ള സമയത്ത് കുളിക്കുന്നത് ഒഴിവാക്കുക. ടാപ്പുകളില്നിന്ന് വെള്ളം ശേഖരിക്കുന്നതും ഒഴിവാക്കുക. പൈപ്പുകളിലൂടെ മിന്നല് സഞ്ചരിച്ചേക്കാം. ജലാശയത്തില് മീന് പിടിക്കാനും കുളിക്കാനും ഇറങ്ങരുത്.
ഇത് നിങ്ങള്ക്ക് ഇടിമിന്നലേല്ക്കാന് കാരണമായേക്കാം.
അടുത്തുള്ള കെട്ടിടത്തിലേക്ക് മാറാനാവാത്ത വിധത്തില് തുറസ്സായ സ്ഥലത്താണെങ്കില് പാദങ്ങള് ചേര്ത്തുവച്ച് തല കാല് മുട്ടുകള്ക്ക് ഇടയില് ഒതുക്കി പന്തുപോലെ ഉരുണ്ട് ഇരിക്കുക.ഇടിമിന്നലില്നിന്ന് സുരക്ഷിതമാക്കാന് കെട്ടിടങ്ങള്ക്ക് മുകളില് മിന്നല് ചാലകം സ്ഥാപിക്കാം.
വൈദ്യുതോപകരണങ്ങളുടെ സുരക്ഷക്ക് സര്ജ് പ്രൊട്ടക്ടര് ഘടിപ്പിക്കാം. മിന്നലിന്റെ ആഘാതത്താല് പൊള്ളലേല്ക്കുകയോ കാഴ്ചയും കേള്വിയും നഷ്മാവുകയോ ഹൃദയാഘാതം സംഭവിക്കുകയോ ചെയ്യാം. മിന്നലാഘാതം ഏറ്റ ആളിന്റെ ശരീരത്തില് വൈദ്യുതി പ്രവാഹമില്ലെന്ന് മനസ്സിലാക്കണം.അതിനാല് മിന്നലേറ്റയാളിന് പ്രഥമ ശുശ്രൂഷ നല്കാന് മടിക്കരുത്.
"
https://www.facebook.com/Malayalivartha
