ആശുപത്രിയില്‍ നിന്നും മൃദദേഹം വീട്ടിലെത്തിക്കാന്‍ ആംബുലന്‍സ് ഡ്രൈവറെ കിട്ടാതായപ്പോള്‍ ആംബുലന്‍സ് ഡ്രൈവറായി തൃക്കാക്കര നഗരസഭ വൈസ് ചെയര്‍മാര്‍. മലയിടംതുരുത്ത് ആശുപത്രിയില്‍ മരിച്ച കുടിലിമുക്ക് കരിവേലി വീട്ടില്‍ അബ്ദുള്‍ ഖാദറിന്റെ മൃദദേഹം കാക്കനാട്ടെ വീട്ടിലെത്തിക്കാനാണ് ചെയര്‍മാര്‍ എ.എ ഇബ്രാഹിംകുട്ടി ആംബുലന്‍സ് ഡ്രൈവറായത്. കൊവിഡ് കാലമായതിനായി ആശുപത്രിയില്‍ ആംബുലന്‍സ് ഒന്നും ഉണ്ടായിരുന്നില്ല. നഗരസഭയുടെ ആംബുലന്‍സ് പോലും സമയത്ത് ലഭിക്കാതായതോടെ വാര്‍ഡ് കൗണ്‍സിലര്‍ കൂടിയായ എ.എ ഇബ്രാഹിംകുട്ടി ഐ.എന്‍.ടി.യു.സി ഓട്ടോ തൊഴിലാളി യൂണിയന്റെ ആംബുലന്‍സ് സ്വയം ഓടിക്കാന്‍ തയ്യാറാവുകയായിരുന്നു.