പത്തനംതിട്ട ശാഖയിലെ കനറാബാങ്കിൽ നിന്ന് നി​ന്ന് 8.13 കോ​ടി ത​ട്ടി​യെ​ടു​ത്ത കേ​സി​ലെ പ്ര​തി വി​ജീ​ഷ് വ​ര്‍​ഗീ​സ് കു​റ്റം സ​മ്മ​തി​ച്ചു. എന്നാൽ പ​ണം എ​വി​ടേ​ക്കു മാ​റ്റി​യെ​ന്നു​ള്ള കൃ​ത്യ​മാ​യ വി​വ​രം ഇതുവരെയും പ്ര​തി ന​ല്‍​കി​യി​ട്ടി​ല്ല.

വി​ജീ​ഷി​ന്‍റെ​യും ബ​ന്ധു​ക്ക​ളു​ടെ​യും അ​ക്കൗ​ണ്ടു​ക​ളി​ല്‍ മി​നി​മം ബാ​ല​ന്‍​സ് മാ​ത്ര​മാ​ണു​ണ്ടാ​യി​രു​ന്ന​ത്. അ​ക്കൗ​ണ്ടു​ക​ള്‍ മ​ര​വി​പ്പി​ക്കു​ന്ന​തി​ന് മു​ന്‍​പ് ത​ന്നെ പ​ണം പി​ന്‍​വ​ലി​ച്ചു​വെ​ന്നാ​ണ് കരുതുന്നതും. ഇന്ന് രാവിലെ ആയിരുന്നു പോ​ലീ​സ് ക​സ്റ്റ​ഡി​യി​ലു​ള്ള വി​ജീ​ഷി​നെ ബാ​ങ്കി​ലെ​ത്തി​ച്ചു തെ​ളി​വെ​ടു​പ്പ് ന​ട​ത്തി​യത്.

പ്ര​തി​യി​ല്‍​നി​ന്നു ല​ഭി​ച്ച മൊ​ഴി​യു​ടെ കൂ​ടി അ​ടി​സ്ഥാ​ന​ത്തി​ല്‍ പോ​ലീ​സ് അ​ന്വേ​ഷ​ണ​സം​ഘം ക്രൈം​ബ്രാ​ഞ്ചി​നും റി​പ്പോ​ര്‍​ട്ട് ന​ല്‍​കും.

അ​തേ​സ​മ​യം, കേ​സി​ല്‍ സി​ബി​ഐ അ​ന്വേ​ഷ​ണം ആ​വ​ശ്യ​പ്പെ​ട്ടു ക​ന​റാ ബാ​ങ്ക് കേ​ന്ദ്ര​സ​ര്‍​ക്കാ​രി​നു ക​ത്തു ന​ല്‍​കി​യി​ട്ടു​ണ്ട്. ഇ​ത്ര​യും ഭീ​മ​മാ​യ തു​ക ഒ​രു ജീ​വ​ന​ക്കാ​ര​നു മാ​ത്ര​മാ​യി ത​ട്ടി​യെ​ടു​ക്കാ​നാ​കി​ല്ലെ​ന്നാ​ണ് ബാ​ങ്കി​ലെ ഇ​ന്‍റേ​ണ​ല്‍ ഓ​ഡി​റ്റ് വി​ഭാ​ഗ​ത്തി​ന്‍റെ റി​പ്പോ​ര്‍​ട്ട്. പോ​ലീ​സ് നി​ഗ​മ​ന​ങ്ങ​ള്‍ കൂ​ടി പ​രി​ശോ​ധി​ച്ചു സി​ബി​ഐ അ​ന്വേ​ഷ​ണ​ത്തി​നു തീ​രു​മാ​ന​മു​ണ്ടാ​കു​മെ​ന്നാ​ണ് സൂ​ച​ന.

വി​ജീ​ഷി​നെ ബം​ഗ​ളൂ​രു​വി​ല്‍​നി​ന്നാ​ണ് പോ​ലീ​സ് അ​ന്വേ​ഷ​ണ സം​ഘം ക​സ്റ്റ​ഡി​യി​ലെ​ടു​ത്ത​ത്. ക​ഴി​ഞ്ഞ ദി​വ​സം പ​ത്ത​നം​തി​ട്ട​യി​ല്‍ എ​ത്തി​ച്ച ഇ​യാ​ളെ ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​ര്‍ ചോ​ദ്യം ചെ​യ്തി​രു​ന്നു.

2019 ഡി​സം​ബ​ര്‍ മു​ത​ല്‍ 2021 ഫെ​ബ്രു​വ​രി വ​രെ 191 അ​ക്കൗ​ണ്ടു​ക​ളി​ലാ​ണ് വി​ജീ​ഷ് ത​ട്ടി​പ്പ് ന​ട​ത്തി​യ​ത്. കാ​ലാ​വ​ധി പൂ​ര്‍​ത്തി​യാ​യ സ്ഥി​രം നി​ക്ഷേ​പ​ങ്ങ​ളും ഉ​ട​മ​സ്ഥ​ര്‍ ഇ​ല്ലാ​ത്ത അ​ക്കൗ​ണ്ടു​ക​ളും മോ​ട്ടോ​ര്‍ വാ​ഹ​ന അ​പ​ക​ട ഇ​ന്‍​ഷ്വ​റ​ന്‍​സ് തു​ക​ക​ളും വി​ജീ​ഷ് സ്വ​ന്തം അ​ക്കൗ​ണ്ടി​ലേ​ക്കും ഭാ​ര്യ​യു​ടെ​യും ഭാ​ര്യാ​പി​താ​വി​ന്‍റെ​യും പേ​രി​ല്‍ തു​ട​ങ്ങി​യ അ​ക്കൗ​ണ്ടു​ക​ളി​ലേ​ക്കും മാ​റ്റി​യെ​ന്നാ​ണ് ഓ​ഡി​റ്റ് വി​ഭാ​ഗം ക​ണ്ടെ​ത്തി​യ​ത്.