കണ്ടാൽ സ്വപ്നതുല്യമെന്നോണമാണ് പല സെലിബ്രിറ്റികളുടെയും സോഷ്യൽ മീഡിയ പോസ്റ്റ്. അവർക്കിടയിൽ അശ്വതി ശ്രീകാന്ത് വ്യത്യസ്തയായി സ്ഥാനം ഉറപ്പിച്ചിട്ടുണ്ട്. ടെലിവിഷൻ പ്രേക്ഷകര്‍ക്ക് ഏറെ സുപരിചിതയായ നടി കൂടിയാണ് അശ്വതി ശ്രീകാന്ത്. അവതാരകയായും റേഡിയോ ജോക്കിയായും അശ്വതി തന്റെ കഴിവ് പ്രകടിപ്പിച്ചിട്ടുള്ളതാണ്.

ഇതിന് തൊട്ട് പിന്നാലെ ചക്കപ്പഴം എന്ന പരമ്പരയിലൂടെ അഭിനയത്തിലേക്കും എത്തുകയായിരുന്നു. പരമ്പരയില്‍ ആശയായി മിന്നും പ്രകടനമാണ് അശ്വതി കാഴ്ചവെക്കുന്നത്. സ്‌ക്രീനിലെന്നത് പോലെ തന്നെ സോഷ്യല്‍ മീഡിയയിലും സജീവ സാന്നിധ്യമാണ് അശ്വതി ശ്രീകാന്ത്.

പല വിഷയങ്ങളിലുമുള്ള തന്റെ നിലപാട് അശ്വതി സോഷ്യല്‍ മീഡിയയിലൂടെ പങ്കുവെക്കാറുണ്ട്. സോഷ്യല്‍ മീഡിയയില്‍ നിലപാട് പങ്കുവെക്കുന്ന പല താരങ്ങളേയും പോലെ അശ്ലീല കമന്റുകളും അധിക്ഷേപങ്ങളും അശ്വതിയും നേരിടാറുണ്ട്. അത്തരക്കാര്‍ക്ക് വേണ്ട രീതിയിലുള്ള മുറുപടി നല്‍കാൻ അശ്വതി മറക്കാറുമില്ല.

ഇപ്പോഴിതാ അത്തരത്തിൽ അശ്വതിക്കെതിരെ അശ്ലീല പരാമര്‍ശം നടത്തിയ വ്യക്തിക്ക് അശ്വതി നല്‍കിയ മറുപടി സോഷ്യല്‍ മീഡിയയുടെ കൈയ്യടി നേടുകയാണ്. അശ്വതി പങ്കുവച്ച തന്റെ പുതിയ ചിത്രത്തിനായിരുന്നു അശ്ലീല കമന്റ് ഇട്ടത്. സൂപ്പർ മുല എന്ന പറഞ്ഞ് മാറിടത്തെയായിരുന്നു ഇയാള്‍ കമന്റില്‍ അധിക്ഷേപിച്ചത്. എന്നാല്‍ ഉടൻ തന്നെ അശ്വതി കമന്റിന് മറുപടിയുമായി എത്തുകയായിരുന്നു.

സൂപ്പര്‍ ആവണമല്ലോ, ഒരു കുഞ്ഞിന് രണ്ട് കൊല്ലം പാലൂട്ടാന്‍ ഉള്ളതാണ്. ജീവന്‍ ഊറ്റി കൊടുക്കുന്നത് കൊണ്ട് തന്നെ താങ്കളുടെ അമ്മയുടേത് ഉള്‍പ്പടെ ഞങ്ങള്‍ സകല പെണ്ണുങ്ങളുടേയും സൂപ്പര്‍ തന്നെയാണ്. എന്നായിരുന്നു അശ്വതി നല്‍കിയ മറുപടി.

സഭ്യമായി വളരെ മാന്യമായി രീതിയിൽ മറുപടി പറഞ്ഞ അശ്വതിക്ക് ഇതിന് പിന്തുണയുമായി നിരവധി പേര്‍ എത്തിയിട്ടുണ്ട്. കമന്റുകളിലൂടെയാണ് നിരവധി പേര്‍ പിന്തുണയുമായി എത്തിയത്. ഇതിലും മികച്ച് മറുപടി സ്വപ്നങ്ങളിൽ മാത്രം, വെറുതേ വടി കൊടുത്ത് അടി മേടിച്ചു തുടങ്ങിയ നിരവധി കമന്റുകളാൽ ഇപ്പോൾ സോഷ്യൽ മീഡിയയിൽ തരം​ഗമാവുകയാണ് പോസ്റ്റ്.

മൗനം എന്തും പറയാനുള്ള സമ്മതം കൊടുക്കലായി മാറുകയാണെങ്കിൽ ഇത്തരത്തിലുള്ള മറുപടി എന്ത് പറയരുത് എന്ന ഓർമ്മപ്പെടുത്തലായി മാറുകയാണ്. ഒപ്പം അശ്വതിക്ക് പിന്തുണയുമായി ബിജെപി നേതാവ് കൂടിയായ സന്ദീപ് വാചാസ്പതി രം​ഗത്ത് എത്തിയിട്ടുണ്ട്. ഫെയ്സ് ബക്കിലൂടെയാണ് അദ്ദേഹം പിന്തുണ അറിയിച്ച പോസ്റ്റ് പങ്കു വയ്ച്ചത്.

നവ മാധ്യമ കാലഘട്ടത്തിൽ കണ്ട ഏറ്റവും മികച്ച പ്രതികരണം. ഇതു പോലൊരെണ്ണം ഈ അടുത്തെങ്ങും കണ്ടിട്ടില്ല. ഞരമ്പ് രോഗികളെ പലപ്പോഴും പലരും നേരിടുന്നത് അതിലും തറ മറുപടി നൽകിയാണ്. അതോടെ ഞരമ്പൻ മാന്യനായി മാറും.

ചിലരെങ്കിലും അവന്റെ ഭാഗം ചേരുന്ന അവസ്ഥ പ്രതികരണത്തിലൂടെ ഉണ്ടാവുകയും ചെയ്യും. പക്ഷെ നിലവാരം എന്താണെന്ന് കാണിച്ചു കൊടുത്ത Aswathy Sreekanth ന് ആദരം നിറഞ്ഞ അഭിവാദ്യങ്ങൾ. ദേഹത്ത് ചെളി പറ്റാതെ പന്നികളെ എങ്ങനെ നേരിടണമെന്ന് അശ്വതി കാണിച്ചു തന്നു. ചാനൽ ഫ്ലോറിലെ ആഢ്യത്വം ഇവിടെയും പുലർത്തിയ അശ്വതിയോട് ഇഷ്ടം കൂടി. ഒപ്പം ബഹുമാനവും. എന്നാണ് അദ്ദേഹം കുറിച്ചത്.

ഇതുകൂടാതെ നടി രചന നാരായണന്‍കുട്ടിയും അശ്വതിയ്ക്ക് പിന്തുണയുമായി എത്തിയിട്ടുണ്ട്. അശ്വതിയുടെ മറുപടിയുടെ സ്‌ക്രീന്‍ഷോട്ട് പങ്കുവച്ചായിരുന്നു രചന പിന്തുണ നല്‍കിയത്. ഏറ്റവും മികച്ച മറുപടിയെന്നായിരുന്നു അശ്വതിയുടെ മറുപടിയെ കുറിച്ച് രചന നാരായണന്‍കുട്ടി പറഞ്ഞത്. ഇതു പോലുള്ളവര്‍ക്ക് ഇതു തന്നെയാണ് മറുപടി നല്‍കേണ്ടതെന്നാണ് സോഷ്യല്‍ മീഡിയ പറയുന്നത്.

എന്നാൽ സം​ഗതി കൈവിട്ടു പോയ കാര്യം മനസ്സിലാക്കിയ കമന്റിട്ടയാൾ ഉടനെ മറ്റൊരു പോസ്റ്റിൽ അറിയാതെ സംഭവിച്ചതാണെന്ന ന്യായീകരണം നിരത്തുകയാണ് ഉണ്ടായത്.

മുഖം എന്ന് മാത്രമാണ് ഉദ്ദേശിച്ചത് എന്നായിരുന്നു അയാൾ പറഞ്ഞത്. എന്നാൽ ഇതിനെതിരെ നിയമനടപടി സ്വീകരിക്കുമോ എന്ന ആരാധകരുടെ കമന്റിന് താരം മറുപടി നൽകിയില്ല.