തെലങ്കാനയില് വിദ്യാര്ത്ഥികള്ക്കായി നല്കിയ വാക്ക് പാലിച്ച് വിജയ്യും രശ്മികയും
താരദമ്പതികളായ വിജയ് ദേവരകൊണ്ടയും രശ്മിക മന്ദാനയും വിവാഹിതരായ സമയത്ത് വിദ്യാര്ത്ഥികള്ക്കായി നല്കിയ വാക്ക് പാലിച്ചിരിക്കുകയാണ്. തെലങ്കാനയില് വിവാഹിതരായതിനു പിന്നാലെ നടന്ന ഗ്രഹപ്രവേശന ചടങ്ങില് പ്രദേശത്തെ വിദ്യാര്ഥികള്ക്ക് സ്കോളര്ഷിപ്പ് നല്കുമെന്ന് ഇരുവരും പ്രഖ്യാപിച്ചിരുന്നു.
വിജയ് ദേവരകൊണ്ടയുടെ പിതാവിന്റെ ജന്മദേശമായ തെലങ്കാനയിലെ തുമ്മന്പെട്ടിലെ 44 സര്ക്കാര് സ്കൂളുകളിലെ ഒമ്പത്, പത്ത് ക്ലാസുകളില് മികച്ച വിജയം നേടിയ വിദ്യാര്ത്ഥികള്ക്കാണ് സ്കോളര്ഷിപ്പ് നല്കിയിരിക്കുന്നത്. തുമ്മന്പെട്ടില് നടന്ന ചടങ്ങില് വിജയ്യും രശ്മികയും പങ്കെടുത്തു. ഇരുവരും ചേര്ന്നാണ് വിദ്യാര്ത്ഥികള്ക്ക് സ്കോളര്ഷിപ്പുകള് വിതരണം ചെയ്തത്. സ്കോളര്ഷിപ്പിന് അര്ഹരായ 180 കുട്ടികളുടെ പേരുകള് അടങ്ങിയ ലിസ്റ്റ് വിജയ് ദേവരകൊണ്ട സമൂഹമാദ്ധ്യമങ്ങളില് പങ്കുവച്ചിരുന്നു.
https://www.facebook.com/Malayalivartha
