സംസ്ഥാനത്ത് 40 വയസിന് മുകളിലുള്ള എല്ലാവര്ക്കും ജൂലായ് 15 നകം ആദ്യ ഡോസ് വാക്സിന് നല്കാന് നിര്ദ്ദേശം നല്കി മുഖ്യമന്ത്രി... മാനസിക വൈകല്യമുള്ളവരെ വാക്സിനേഷന് മുന്ഗണനാ പട്ടികയില് ഉള്പ്പെടുത്തും
സംസ്ഥാനത്ത് 40 വയസിന് മുകളിലുള്ള എല്ലാവര്ക്കും ജൂലായ് 15 നകം ആദ്യ ഡോസ് വാക്സിന് നല്കാന് മുഖ്യമന്ത്രി പിണറായി വിജയന് നിര്ദേശം നല്കി. കോവിഡ് അവലോകന യോഗത്തില് സംസാരിക്കുകയായിരുന്നു അദേഹം.
സംസ്ഥാനത്ത് 45 വയസിന് മുകളിലുള്ള 50 ലക്ഷത്തോളം പേരാണ് ഇനി ആദ്യ ഡോസ് വാക്സിന് സ്വീകരിക്കാനുള്ളത്. അതേസമയം മൂന്നാം തരംഗത്തെ പ്രതിരോധിക്കാനുള്ള പ്രവര്ത്തനങ്ങള് യുദ്ധകാലടിസ്ഥാനത്തില് എല്ലാ വകുപ്പുകളും കൈകോര്ത്ത് പൊതുജനങ്ങളുടെ പിന്തുണയോടെ നടപ്പാക്കാനും മുഖ്യമന്ത്രി നിര്ദേശിച്ചു.
ലോകമെമ്പാടും കോവിഡ് വൈറസിന്റെ വ്യത്യസ്ത ജനികത വ്യതിയാനങ്ങള് റിപ്പോര്ട്ട് ചെയ്യപ്പെടുന്ന സാഹചര്യത്തില് വകഭേദം വന്ന പുതിയ തരം വൈറസുകള് ഉണ്ടോയെന്ന് കണ്ടെത്തും.
മാനസിക വൈകല്യമുള്ളവരെ വാക്സിനേഷന് മുന്ഗണനാ പട്ടികയില് ഉള്പ്പെടുത്തും. സമൂഹ അടുക്കളയില് നിന്ന് ഭക്ഷണം ലഭിക്കുന്നില്ലെന്ന് പരാതി ശ്രദ്ധയില്പ്പെട്ടാല് കര്ശന നടപടിയെടുക്കാന് തദ്ദേശ സ്വയംഭരണ വകുപ്പിനും ജില്ലാ ഭരണകൂടങ്ങള്ക്കും മുഖ്യമന്ത്രി നിര്ദേശം നല്കി.
വ്യവസായത്തിനാവശ്യമായ അസംസ്കൃത വസ്തുവായ റബ്ബര് വില്ക്കുകയും വാങ്ങുകയും ചെയ്യുന്ന കടകള്ക്ക് പ്രവര്ത്താനാനുമതി നല്കാനും വ്യവസായശാലകളും അതിനോടാനുബന്ധിച്ച അസംസ്കൃത വസ്തുക്കളുടെ കടകളും പ്രവര്ത്തിക്കാവുന്നതാണെന്നും അവലോകന യോഗം തീരുമാനിച്ചു
https://www.facebook.com/Malayalivartha
