സ്വർണ്ണക്കൊള്ളയുമായി ബന്ധപ്പെട്ട് നടക്കുന്ന അന്വേഷണം, ദുർബലപ്പെടുത്താനും അട്ടിമറിക്കുവാനും  സംസ്ഥാന ഗവൺമെൻറ് ശ്രമിക്കുന്നതായി കോൺഗ്രസ് നേതാവ് രമേശ് ചെന്നിത്തല. കോടതിയുടെ നിരീക്ഷണത്തിൽ എസ്ഐടി നല്ലരീതിയിൽ അന്വേഷണം മുന്നോട്ടു കൊണ്ടു പോവുകയായിരുന്നു.ഇപ്പോൾ ആ അന്വേഷണം മന്ദഗതിയിൽ ആയിരിക്കുന്നു.സർക്കാരിന്റെ ഇടപെടീൽ ആണ് ഇതിന്റെ പിന്നിൽ. അന്വേഷണം ഇനി സിപിഎം ന്റെ ഉന്നത തലങ്ങളിലേക്കും, മുൻ മന്ത്രിമാരിലേക്കും പോകുന്നു എന്ന തോന്നലാണ്, ഗവണ്മെന്റ് ഇടപെടാൻ കാരണം.

ഇതേ കോടതിയുടെ നിരീക്ഷണത്തിൽ സിബിഐ അന്വേഷണം നടത്തുന്നത് നന്നായിരിക്കും. എസ് ഐ ടി യെ ചെറുതാക്കി കാണുന്നില്ല. ഉന്നതൻമാരിലേക്ക് ഈ കേസുകൾ പോകുന്നു എന്നതാണ് സിപിഎം നെ ഭയപ്പെടുത്തുന്നത്.

കൊള്ളക്ക് പിന്നിൽ വലിയൊരു ഗൂഡസംഘം പ്രവർത്തിക്കുന്നുണ്ട്. ആ ഗൂഡസംഘത്തിന് കേരളത്തിൽ ഇന്ന് അധികാരത്തിൽ ഇരിക്കുന്ന, ഉത്തരവാദപ്പെട്ട സ്ഥാനങ്ങളിൽ ഇരിക്കുന്നവരുമായി ബന്ധമുണ്ട്.ആസൂത്രിതമായ ഗൂഢാലോചന ഇതിന്റെ പിന്നിൽ ഉണ്ട്  എന്നതും സത്യമാണ്.