സംസ്ഥാനത്ത് ഈ മാസം 12, 13 തീയതികളില് സമ്പൂര്ണ ലോക്ക്ഡൗണ്; സ്റ്റേഷനറി, ജുവലറി മുതലായ കടകള്ക്ക് ജൂണ് 11ന് ഒരു ദിവസം മാത്രം രാവിലെ 7 മുതല് വൈകീട്ട് 7 വരെ പ്രവര്ത്തനാനുമതി; കൂടുതൽ ഇളവുകളും നിയന്ത്രണങ്ങളും ഇങ്ങനെ
സംസ്ഥാനത്ത് ഈ മാസം 12, 13 തീയതികളില് കര്ശന നിയന്ത്രണങ്ങളോടെയുള്ള സമ്ബൂര്ണ ലോക്ക്ഡൗണ് ആയിരിക്കുമെന്ന് കൊവിഡ് അവലോകന യോഗത്തില് മുഖ്യമന്ത്രി പിണറായി വിജയന് അറിയിച്ചു. ലോക്ക്ഡൗണ് ഈ മാസം 16 വരെ നീട്ടിയ സാഹചര്യത്തിലാണ് നടപടി. കോവിഡ് വ്യാപന തോത് പ്രതീക്ഷിച്ച തോതില് കുറയാത്തതിനെ തുടര്ന്നാണ് ലോക്ക്ഡൗണ് 16 വരെ നീട്ടിയിരിക്കുന്നതെന്നും എല്ലാ പരീക്ഷകളും ജൂണ് 16 ശേഷം മാത്രമേ ആരംഭിക്കൂ എന്നും മുഖ്യമന്ത്രി പറഞ്ഞു.
അവശ്യ വസ്തുക്കള് വില്ക്കുന്ന സ്ഥാപനങ്ങള്, വ്യവസായത്തിനാവശ്യമായ അസംസ്കൃത വസ്തുക്കള് (പാക്കേജിംഗ് ഉള്പ്പെടെ), നിര്മ്മാണ സാമഗ്രികള് വില്ക്കുന്ന സ്ഥാപനങ്ങള് തുടങ്ങിയവയ്ക്ക് ജൂണ് 16 വരെ പ്രവര്ത്തനാനുമതി നല്കും. ബാങ്കുകള് നിലവിലുള്ളതുപോലെ തിങ്കള്, ബുധന്, വെള്ളി ദിവസങ്ങളില് പ്രവര്ത്തിക്കും.
സ്റ്റേഷനറി, ജുവലറി, പാദരക്ഷകളുടെ ഷോറൂം, തുണിക്കടകള്, ഒപ്റ്റിക്കല്സ് തുടങ്ങിയ കടകള്ക്ക് ജൂണ് 11ന് ഒരു ദിവസം മാത്രം രാവിലെ 7 മുതല് വൈകീട്ട് 7 വരെ പ്രവര്ത്തനാനുമതി നല്കും. വാഹന ഷോറൂമുകള് മെയിന്റനന്സ് വര്ക്കുകള്ക്ക് മാത്രം ജൂണ് 11ന് തുറക്കാവുന്നതാണ്. മറ്റ് പ്രവര്ത്തനങ്ങളും വില്പനയും അനുവദിക്കില്ല.
സര്ക്കാര്, അര്ദ്ധ സര്ക്കാര് സ്ഥാപനങ്ങള്, പൊതുമേഖലാ സ്ഥാപനങ്ങള്, കോര്പറേഷനുകള്, കമ്മീഷനുകള് തുടങ്ങിയവ ജൂണ് 17 മുതല് 50 ശതമാനം ഉദ്യോഗസ്ഥരെ ഉള്പ്പെടുത്തി പ്രവര്ത്തനം ആരംഭിക്കും.
സ്വകാര്യ ആശുപത്രികള്ക്ക് വാക്സിനേഷന് പ്രവര്ത്തനങ്ങള്ക്ക് വേണ്ട സഹായം നല്കും. അതാത് ജില്ലകളിലെ സ്വകാര്യ ആശുപത്രികളെ വാക്സിനേഷന് പ്രവര്ത്തനങ്ങളില് ഉപയോഗപ്പെടുത്താന് മുഖ്യമന്ത്രി നിദ്ദേശിച്ചു.
https://www.facebook.com/Malayalivartha
