ബിഗ് ബോസ് താരം ഫിറോസ് ഖാൻ തൊടുത്തുവിട്ട ആരോപണശരങ്ങൾ കേരളക്കരയിൽ വലിയ ചർച്ചകൾക്ക് വഴിമാറുമ്പോൾ, മറുപടിയുമായി സജ്ന നൂർ രംഗത്തെത്തിയിരിക്കുകയാണ്. തങ്ങളുടെ ദാമ്പത്യം തകർത്തത് സിനിമയിലെ ഒരു ഉന്നതനാണെന്ന ഫിറോസിന്റെ പരോക്ഷമായ വെളിപ്പെടുത്തലുകളെ പൂർണ്ണമായും തള്ളുകയാണ് സജ്ന. 'എന്റെ ജീവിതത്തിൽ ഇനി ഒരു പുരുഷൻ വന്നാലോ ഫിറോസിക്കയുടെ ജീവിതത്തിൽ ഒരു സ്ത്രീ വന്നാലോ അത് ഞങ്ങളുടെ വ്യക്തിപരമായ കാര്യമാണ്,

അതിലേക്ക് മൂന്നാമതൊരാളെ വലിച്ചിഴക്കരുത്' എന്ന് സജ്ന വികാരാധീനയായി പറയുന്നു. സോഷ്യൽ മീഡിയയിൽ പ്രചരിക്കുന്ന ഗോസിപ്പുകൾ തന്റെ മക്കളെ എങ്ങനെ ബാധിക്കുന്നുവെന്നും, ഫിറോസുമായി ഇപ്പോഴും തുടരുന്ന സൗഹൃദത്തെക്കുറിച്ചും സജ്ന വ്യക്തമാക്കുന്നുണ്ട്.