സംസ്ഥാനത്ത് ലോക്ഡൗണ് ബുധനാഴ്ച അര്ധരാത്രി പിന്വലിച്ചേക്കും; പൊതുഗതാഗതം പുനരാരംഭിക്കുന്നതും മദ്യശാലകള് തുറക്കുന്നതും സര്കാരിന്റെ പരിഗണനയില്; ചില പ്രദേശങ്ങളില് വ്യാഴാഴ്ച മുതല് കൂടുതല് ഇളവുകള് ഉണ്ടാകും.... തദ്ദേശസ്ഥാപനങ്ങളെ ക്ലസ്റ്ററുകളായി തിരിച്ച് ടിപിആര് കൂടിയ സ്ഥലങ്ങളില് ലോക്ഡൗണ് തുടരാന് ആലോചന!! ടിപിആര് 30ന് മുകളിലെങ്കില് ട്രിപ്പിള് ലോക്ഡൗണ്, 20ന് മുകളിലുള്ള സ്ഥലങ്ങളില് സമ്പൂര്ണ ലോക്ഡൗണിന് സാധ്യത
സംസ്ഥാനത്ത് ഏര്പ്പെടുത്തിയിരിക്കുന്ന ലോക്ഡൗണ് കൂടുതല് നീട്ടുന്നത് ജനജീവിതത്തെ ദോഷകരമായി ബാധിക്കുമെന്ന് കൊവിഡ് അവലോകന യോഗത്തില് അഭിപ്രായം. ജൂണ് 17 മുതല് തദ്ദേശസ്ഥാപനങ്ങളെ നാലായി തിരിച്ചാകും നിയന്ത്രണമുണ്ടാകുക.
ടിപിആര് എട്ട് ശതമാനത്തില് കുറവുളളയിടത്ത് ഇളവുകള് അനുവദിക്കും 8 മുതല് 30 ഉളളയിടത്ത് നിയന്ത്രണങ്ങള് ഭാഗികമായി നടപ്പാക്കും. 30ന് മുകളില് ടിപിആര് ഉളളയിടങ്ങളില് ട്രിപ്പിള് ലോക്ഡൗണ് പോലെ കര്ശന നടപടിയാകും ഉണ്ടാകുക.
20 ശതമാനത്തിന് മുകളില് ടിപിആര് ഉളളയിടങ്ങളില് ലോക്ഡൗണ് തുടരും. ടിപിആര് കുറഞ്ഞയിടങ്ങളില് മറ്റന്നാള് മുതല് തന്നെ ഇളവുകളുണ്ടാകും. സംസ്ഥാനവ്യാപകമായ നിയന്ത്രണങ്ങളെക്കാള് പ്രാദേശികമായ നിയന്ത്രണങ്ങളാണ് ഫലംചെയ്യുകയെന്നാണ് സംസ്ഥാന സര്ക്കാരിനുളളത്.
പൊതുഗതാഗതം പുനരാരംഭിക്കുന്നതും മദ്യശാലകളുടെ പ്രവര്ത്തനം സംബന്ധിച്ചുമുളള കാര്യങ്ങള് അവലോകന യോഗത്തില് ചര്ച്ച ചെയ്യുകയാണ്. ജില്ലകള് തോറുമുളള യാത്രയിലും തീരുമാനമുണ്ടാകും.ഇളവുകളും വിശദമായ തീരുമാനങ്ങളും മുഖ്യമന്ത്രിയുടെ വാര്ത്താസമ്മേളനത്തില് നിന്നും അറിയാനാകും.
https://www.facebook.com/Malayalivartha