സംസ്ഥാനത്ത് നാളെ മുതല് ലോക്ക് ഡൗണ് ലംഘൂകരിക്കും; കോവിഡിന്റെ രണ്ടാം തരംഗം നിയന്ത്രണവിധേയമായെന്ന് മുഖ്യമന്ത്രി പിണറായി വിജയന്
ജൂണ് 16 മുതല് സംസ്ഥാനവ്യാപകമായി ഏര്പ്പെടുത്തിയിട്ടുള്ള ലോക്ക്ഡൗണ് ലഘൂകരിക്കുമെന്നറിയിച്ച് മുഖ്യമന്ത്രി പിണറായി വിജയന്. ഏപ്രില് മാസം അവസാനത്തോടെ ആരംഭിച്ച രണ്ടാം തരംഗം മെയ് മാസത്തില് വളരെ ശക്തമായ ശേഷം ജൂണ് മാസത്തോടെ കുറഞ്ഞുതുടങ്ങിയെന്നും മുഖ്യമന്ത്രി പറഞ്ഞു.
എങ്കിലും ലോക്ക്ഡൗണ് പിന്വലിക്കാന് പര്യാപ്തമായ തോതില് എത്തിയിരുന്നില്ല. ഇപ്പോള് ആശ്വാസകരമായ സ്ഥിതി കൈവരിച്ചതുകൊണ്ടാണ് പൂര്ണമായിട്ടല്ലെങ്കിലും കൂടുതല് ഇളവുകള് അനുവദിച്ച് ലോക്ക്ഡൗണ് ലഘൂകരിക്കാന് തീരുമാനിച്ചത്. മുഖ്യമന്ത്രി പറഞ്ഞു.
പുതിയ രോഗികളുടെ എണ്ണവും ടെസ്റ്റ് പോസിറ്റിവിറ്റി നിറയ്ക്കും നിരന്തരം കുറഞ്ഞുവരുന്ന കാര്യവും മുഖ്യമന്ത്രി പറഞ്ഞു. ലോക്ക്ഡൗണ് പൂര്ണമായും പിന്വലിച്ചിട്ടില്ല എന്നും മുഖ്യമന്ത്രി ഓര്മപ്പെടുത്തുന്നുണ്ട്. അതേസമയം തിരുവനന്തപുരത്തും തൃശൂരും രോഗികളുടെ എണ്ണം കൂടാന് സാദ്ധ്യതയുണ്ടെന്നും അദ്ദേഹം മുന്നറിയിപ്പ് നല്കുന്നു.
നിലവിലെ സാഹചര്യം പരിശോധിക്കുമ്ബോള് അടുത്ത ആഴ്ചയില്, ഒരു ദിവസത്തെ കേസുകളുടെ എണ്ണത്തില് ഏറ്റവും വര്ദ്ധനവുണ്ടാകാന് സാദ്ധ്യതയുള്ളത് തിരുവനന്തപുരം ജില്ലയിലാണ്. അഞ്ച് ശതമാനം വര്ദ്ധനവാണ് പ്രതീക്ഷിക്കുന്നത്. തൃശൂര് ജില്ലയില് ഒരു ശതമാനം വര്ദ്ധനവും പ്രതീക്ഷിക്കുന്നു. മുഖ്യമന്ത്രി പറഞ്ഞു.
സംസ്ഥാനത്ത് നാളെ മുതല് കൂടുതല് ഇളവുകള് നല്കും. അവശ്യ വസ്തുക്കള് വില്ക്കുന്ന എല്ലാ കടകള്ക്കും തുറന്ന് പ്രവര്ത്തിക്കാന് അനുമതി നല്കി. മറ്റന്നാള് മുതല് മിതമായ രീതിയില് പൊതുഗതാഗതം ആരംഭിക്കും. വിവാഹം, മരണം എന്നീ ചടങ്ങുകളില് പരമാവധി 20 പേരെ മാത്രമേ പങ്കെടുപ്പിക്കാന് പാടുള്ളൂ. അക്ഷയ കേന്ദ്രങ്ങള് തിങ്കള് മുതല് വെള്ളി വരെ പ്രവര്ത്തിക്കും. ബാറുകളും ബെവ്കോയും തുറക്കാനും തീരുമാനമായിട്ടുണ്ട്. ശനി, ഞായര് ദിവസങ്ങളില് സമ്ബൂര്ണ ലോക്ക് ഡൗണ് തുടരും.
https://www.facebook.com/Malayalivartha