കൊവിഡ് വ്യാപനം കുറഞ്ഞു വരുന്ന പശ്ചാത്തലത്തില്‍ സംസ്ഥാനത്ത് നിര്‍ത്തിവച്ചിരുന്ന ട്രെയിന്‍ സര്‍വീസുകളും പുനരാരംഭിക്കുന്നു. നിര്‍ത്തിവച്ച 30 സര്‍വീസുകളാണ് നാളെ മുതല്‍ പുനരാരംഭിക്കുന്നത്. സംസ്ഥാനത്തിനകത്ത് സര്‍വീസ് നടത്തുന്ന എക്‌സ്പ്രസ്, ഇന്റര്‍സിറ്റി, ജനശതാബ്ദി തീവണ്ടികളും ഇതര സംസ്ഥാനങ്ങളിലേക്കുള്ള ചില സര്‍വീസുകളും പുനരാരംഭിച്ചിട്ടുണ്ട്. കൊവിഡ് സ്‌പെഷ്യല്‍ ട്രെയിനുകളായി പുതിയ നമ്ബറിലാണ് എല്ലാ ട്രെയിനുകളും ഓടുക.

ഭൂരിപക്ഷം ട്രെയിനുകളും നാളെയും മറ്റന്നാളുമായി സര്‍വീസ് ആരംഭിക്കുമെങ്കിലും കൊച്ചുവേളി ലോകമാന്യതിലക് ട്രെയിനുകള്‍ ജൂണ്‍ 27 വരെ ഓടില്ലെന്ന് റെയില്‍വേ അറിയിച്ചു. പുനലൂര്‍മധുര, ചെന്നൈ എഗ്മോര്‍കൊല്ലം, എറണാകുളംബാനസവാടി, ആലപ്പുഴചെന്നൈ സെന്‍ട്രല്‍, ചെന്നൈതിരുവനന്തപുരം, കൊച്ചുവേളിമംഗലാപുരം, തിരുവനന്തപുരംമധുര ട്രെയിനുകളും സര്‍വീസ് പുനരാരംഭിക്കുന്നത് വൈകും.