രാധകൃഷ്ണന്റെ ഭീഷണിയെ പരിഹസിച്ച് മുഖ്യമന്ത്രി; ഇത്തരം ഭീഷണികള് വളരെക്കാലം മുമ്പേ എന്റെ നേരെ ഉയര്ത്തിയപ്പോഴും താന് വീട്ടില് കിടന്നുറങ്ങുന്നുണ്ടായിരുന്നു
ബിജെപി നേതാവ് എ എന് രാധകൃഷ്ണന്റെ ഭീഷണിയെ ചിരിച്ചുതള്ളി മുഖ്യമന്ത്രി പിണറായി വിജയന്. രാധാകൃഷ്ണന്റെ ആള്ക്കാര് വളരെക്കാലം മുമ്ബുതന്നെ ഇത്തരത്തിലുള്ള ഭീഷണികള് തന്റെ നേരെ ഉയര്ത്തിയതാണെന്നും ജയിലില് കിടക്കലല്ല, അതിനുമപ്പുറമുള്ള ഭീഷണികളാണ് തനിക്കുനേരെ ഉയര്ത്തിയിട്ടുണ്ടെന്നാണ് ബിജെപി നേതാവിനോട് തനിക്ക് പറയാനുള്ളതെന്നാണ് മുഖ്യമന്ത്രി ചിരിച്ചുകൊണ്ട് പറഞ്ഞത്.
ഈ ഭീഷണികള് വന്ന സമയത്തെല്ലാം താന് വീട്ടില് കിടന്നുറങ്ങുന്നുണ്ട്. അതിനൊരു പ്രയാസവുമുണ്ടായിട്ടില്ല. അതോര്ക്കുന്നത് നല്ലതാണ്. മുഖ്യമന്ത്രി പ്രതികരിച്ചു. പിണറായി വിജയനെ വീട്ടില് കിടന്നുറങ്ങാന് അനുവദിക്കില്ലെന്നും തന്റെ മക്കളെ കാണാന് അദ്ദേഹം ജയിലില് നിന്നും വരേണ്ടി വരുമെന്നുമായിരുന്നു ബിജെപി നേതാവിന്റെ ഭീഷണി.
നമ്മളോരോരുത്തരും മറ്റുള്ളവരുടെ വിധികര്ത്താക്കളാണെന്ന് തീരുമാനിക്കരുത്. അത് ശരിയായൊരു നിലപാടല്ല. മറ്റുള്ളവരുടെ കാര്യത്തില് എന്ത് വേണമെന്നുള്ളത് ഞാനങ്ങ് തീരുമാനിക്കും, അതങ്ങ് നടപ്പാക്കും എന്ന് കരുതുകയാണെങ്കില് അതൊന്നും നടപ്പാകില്ല എന്ന് നമ്മുടെ നാട് തെളിയിച്ചുകഴിഞ്ഞില്ലേ. എന്തെല്ലാമായിരുന്നു മോഹങ്ങള് ഉണ്ടായിരുന്നത്. അത് പ്രാവര്ത്തികമാക്കാന് കഴിഞ്ഞോ. എന്തുകൊണ്ടാണത്. മുഖ്യമന്ത്രി പരിഹസിച്ചു.
https://www.facebook.com/Malayalivartha