മടക്കയാത്ര മുടങ്ങി.... അസാമില്‍ കുടുങ്ങിയ ടൂറിസ്റ്റ് ബസ്സുകളിലൊന്നിന്റെ ഡ്രൈവര്‍ ജീവനൊടുക്കി. ലോക്ക് ഡൗണിനിടെ മടക്കയാത്ര മുടങ്ങിയതോടെ അസാമില്‍ കുടുങ്ങിയ ടൂറിസ്റ്റ് ബസ്സുകളിലൊന്നിന്റെ ഡ്രൈവര്‍ ആത്മഹത്യ ചെയ്തു.


മേപ്പയ്യൂര്‍ മഠത്തില്‍ കുളങ്ങരമീത്തല്‍ അഭിജിത്ത് (26) ആണ് ബസ്സില്‍ തൂങ്ങി മരിച്ചത്. പരേതനായ ബാലകൃഷ്ണന്റെയും ഗീതയുടെയും മകനാണ്.

അന്യ സംസ്ഥാന തൊഴിലാളികളുമായി പോയതായിരുന്നു അഭിജിത്ത്. അഭിജിത്തിന്റേതുള്‍പ്പെടെ നിരവധി ബസ്സുകള്‍ ഒന്നര മാസത്തോളമായി അസാമിലെ നഗോണില്‍ കുടുങ്ങിയിരിക്കുകയാണ്.

ഡ്രൈവര്‍മാരും സഹായികളും നാട്ടിലുള്ളവരുമായി നിരന്തരം ബന്ധപ്പെട്ടെങ്കിലും വഴി തുറന്നുകിട്ടിയില്ല. കുറച്ചു ദിവസമായി അഭിജിത്ത് കടുത്ത മാനസികവിഷമത്തിലായിരുന്നുവെന്ന് പറയുന്നു.

ഏപ്രില്‍ 7ന് പെരുമ്പാവൂരില്‍നിന്നാണു ബസ് അസമിലേക്ക് പുറപ്പെട്ടത്. നഗോണ്‍ എന്ന സ്ഥലത്താണ് ബസ് കുടുങ്ങി കിടന്നത്. നിരവധി ബസുകളാണ് ഒന്നര മാസമായി അസമില്‍ കുടുങ്ങി കിടക്കുന്നത്.