തൃശൂര്‍ ചാലക്കുടിയില്‍ രോഗിയുമായി പോയ ആംബുലന്‍സ് കുഴിയില്‍ വീണു... ആംബുലന്‍സിലുണ്ടായിരുന്ന രോഗിക്ക് ദാരുണാന്ത്യം, മൂന്നു പേര്‍ക്ക് പരിക്കേറ്റു. മാള സ്വദേശിയായ ജോണ്‍സണ്‍ ആണ് മരിച്ചത്.

ഹൃദയഘാതത്തെ തുടര്‍ന്ന് ജോണ്‍സണെ ചാലക്കുടി സെന്റ് ജെയിംസ് ആശുപത്രിയിലേക്ക് കൊണ്ടുപോകുകയായിരുന്ന ആംബുലന്‍സ് ആണ് പുലര്‍ച്ചെ ഒരു മണിയോടെ കുഴിയിലേക്ക് വീണത്.

റോഡില്‍ കാന നിര്‍മ്മാണത്തിനിടെ വലിയ കുഴി രൂപപ്പെട്ടിരുന്നു. ഇതറിയാതെയാണ് ആംബുലന്‍സ് ഇതുവഴി എത്തിയത്. റോഡില്‍ ആവശ്യത്തിന് വെളിച്ചമില്ലാതിരുന്നതും അപകടത്തിന് കാരണമായി.

വീഴ്ചയുടെ ആഘാതത്തില്‍ രോഗി മരണമടയുകയായിരുന്നു. ഒപ്പമുണ്ടായിരുന്ന മൂന്നു പേര്‍ക്ക് പരിക്കേറ്റു.