വീടിനു മുകളില്‍ നിന്ന് കാല്‍ വഴുതി താഴെ വീണ യുവാവിനെ ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. തുമ്പമണ്‍ മണ്ണാകടവ് തുണ്ടില്‍ കിഴക്കേതില്‍ ബിജു തോമസാണ് (44) മരിച്ചത്.


ഇന്നലെ വൈകീട്ട് 5.30ഓടെയാണ് സംഭവം നടന്നത് . മക്കളുടെ കൂടെ വീട്ടുമുറ്റത്ത് ഷട്ടില്‍ കളിക്കുമ്പോള്‍ കോര്‍ക്ക് വീടിന്റെ ഷെയ്ഡില്‍ കുടുങ്ങിപ്പോയി.

ഇതെടുക്കാനായി വീടിനുമുകളിലേക്ക് കയറിയപ്പോള്‍ കാല്‍വഴുതി വീണ് ഗുരുതരമായി പരിക്കേല്‍ക്കുകയായിരുന്നു ഉടന്‍ പന്തളത്തെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല.

അച്ഛന്റെ വേര്‍പാട് കുഞ്ഞുങ്ങള്‍ക്ക് താങ്ങാനാവുന്നില്ല. നമ്മളോടൊപ്പം കളിച്ചു കൊണ്ടിരിക്കെ വന്ന ആ അപകടത്തില്‍ അച്ഛന്റെ പോയത് അവര്‍ക്ക് സഹിക്കാനാവാതെ അലമുറയിടുകയാണ്. അവരെ ആശ്വസിപ്പിക്കാനാവാതെ ബന്ധുക്കളും ഉറ്റവരും.