ജോലിക്കു പോകാനായി ബൈക്കില്‍ യാത്ര ചെയ്യവേ ടാങ്കര്‍ ലോറിയിടിച്ച് യുവാവിന് ദാരുണാന്ത്യം. കൂടെയുണ്ടായിരുന്നയാള്‍ പരിക്കുകളോടെ രക്ഷപ്പെട്ടു. പുത്തന്‍കട പുന്നനിന്ന വീട്ടില്‍ പരേതനായ ജോണിയുടെയും ഗ്ലോറിയുടെയും മകന്‍ ജോമോന്‍ (22) ആണ് മരിച്ചത്.

പരിക്കേറ്റ പുത്തന്‍കട യേശുഭവനില്‍ യേശുദാസ് (19) നെയ്യാറ്റിന്‍കര ആശുപത്രിയില്‍ ചികിത്സയിലാണ്. ഇരുവരും കെട്ടിട നിര്‍മാണ തൊഴിലാളികളാണ്.

ബൈപാസില്‍ കൈവന്‍വിളക്ക് സമീപം കാക്കലക്കാനത്തായിരുന്നു അപകടം നടന്നത്. വെള്ളവുമായി തിരുപുറം ഭാഗത്തേക്കുപോയ ടാങ്കര്‍ലോറി എതിര്‍ ദിശയില്‍നിന്ന് വന്ന ബൈക്കുമായി കൂട്ടിയിടിച്ചാണ് അപകടമുണ്ടായത്.

തലക്ക് ഗുരുതര പരിക്കേറ്റ ജോമോന്‍ തല്‍ക്ഷണം മരിച്ചു. ജോലിക്ക് പോകാനായി പൂജപ്പുര ഭാഗത്തേക്കുള്ള യാത്രക്കിടെയാണ് അപകടമുണ്ടായത്. ജോമോള്‍ ഏക സഹോദരിയാണ്. കേസെടുത്ത് കാഞ്ഞിരംകുളം പൊലീസ് .