പത്താം ക്ലാസ് വിദ്യാര്ത്ഥിനിയായ പെണ്കുട്ടിയെ പീഡിപ്പിക്കാന് കൂട്ടുകാരന് ഒത്താശ ചെയ്തു, ഗര്ഭം അലസിപ്പിക്കാന് പെണ്കുട്ടിയെ ഭീഷണിപ്പെടുത്തി, സംഭവം നാട്ടുകാര് അറിഞ്ഞപ്പോള് പ്രതിയെക്കൊണ്ട് ഇരയെ വിവാഹം കഴിപ്പിച്ചു പ്രശ്നം ഒത്തുതീര്ക്കാന് ശ്രമിക്കുക; കോണ്ഗ്രസ് നേതാവ് ഷാന് മുഹമ്മദിനെതിരെ ലുക്ക് ഔട്ട് നോട്ടീസ്
പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസില് പ്രതിചേര്ക്കപ്പെട്ട യൂത്ത് കോണ്ഗ്രസ് എറണാകുളം ജില്ലാ ജനറല് സെക്രട്ടറി ഷാന് മുഹമ്മദ് കേരളം വിട്ടെന്ന് സൂചനകൾ. ഇയാളെ ഒളിവില് താമസിപ്പിച്ചവര്ക്കെതിരെയും പോലീസ് കേസ് രജിസ്റ്റർ ചെയ്യും.
കേസിലെ ഒന്നാംപ്രതിയായ പോത്താനിക്കാട് ഇടശേരിക്കുന്നേല് റിയാസിനെ റിമാന്ഡ് ചെയ്തിരുന്നു. തുടര്ന്ന് നടത്തിയ അന്വേഷണത്തിലാണ് ഷാന് മുഹമ്മദിന്റെയും പങ്ക് പൊലീസിന് വ്യക്തമായത്.
പത്താം ക്ലാസ് വിദ്യാര്ത്ഥിനിയായ പെണ്കുട്ടിയെ പീഡിപ്പിക്കാന് കൂട്ടുകാരന് ഒത്താശ ചെയ്തു കൊടുത്തു, ഗര്ഭം അലസിപ്പിക്കാന് പെണ്കുട്ടിയെ ഭീഷണിപ്പെടുത്തി, സംഭവം നാട്ടുകാര് അറിഞ്ഞപ്പോള് പ്രതിയെക്കൊണ്ട് ഇരയെ വിവാഹം കഴിപ്പിച്ചു പ്രശ്നം ഒത്തുതീര്ക്കാന് ശ്രമിക്കുക എന്നിവയ്ക്കെല്ലാം റിയാസിന് കൂട്ട് നിന്നത് ഷാന് മുഹമ്മദ് ആണെന്ന് പോലീസ് കണ്ടെത്തിയിട്ടുണ്ട്. പ്രതിക്ക് സഹായം ചെയ്തതിനും ഇരയെയും കുടുംബത്തെയും ഭീഷണിപ്പെടുത്തിയതിനും വിവരം മറച്ചുവെച്ചതിനുമാണ് ഇയാളെ രണ്ടാം പ്രതിയായി ചേർത്തിരിക്കുന്നത്.
ഷാന് മുഹമ്മദിനെ കണ്ടെത്താന് പോലീസ് ലുക്ക് ഔട്ട് നോട്ടീസ് പുറപ്പെടുവിച്ചിട്ടുണ്ട്. കുറ്റകൃത്യത്തിന് ശേഷം ഇയാള് ഒളിവില് കഴിയുകയാണെന്ന് പോലീസ് പറയുന്നു. ഷാന് മുഹമ്മദ്, യൂത്ത് കോണ്ഗ്രസ് സംസ്ഥാന പ്രസിഡണ്ട് ഷാഫി പറമ്ബലിനൊപ്പം നില്ക്കുന്ന ചിത്രങ്ങളും ഇതിനോടകം സോഷ്യല് മീഡിയകളില് പ്രചരിക്കുന്നുണ്ട്. പ്രതിയെ സഹായിക്കാന് പലരുമുണ്ടെന്ന അഭ്യൂഹങ്ങളും പ്രചരിക്കുന്നുണ്ട്. ഷാന് മുഹമ്മദിനെ സംരക്ഷിക്കാന് യൂത്ത് കോണ്ഗ്രസ് ജില്ലാ നേതൃത്വം സ്വീകരിക്കുന്ന നടപടികള് അപഹാസ്യമെന്ന് ഡിവൈഎഫ്ഐ പ്രസ്താവിച്ചു.
അതേസസമയം, സംഭവത്തില് ഷാന് മുഹമ്മദിനെതിരെ സുഭാഷ് നാരായണൻ എന്നയാളെഴുതിയ ഫേസ്ബുക്ക് കുറിപ്പ് ഇപ്പോൾ വൈറലാകുകയാണ്.
ഫേസ്ബുക്ക് കുറിപ്പ് ഇങ്ങനെയാണ്:
പത്താം ക്ലാസ് വിദ്യാർത്ഥിനിയായ പെൺകുട്ടിയെ പീഡിപ്പിക്കാൻ കൂട്ടുകാരന് ഒത്താശ ചെയ്തുകൊടുക്കുക,ഗർഭം അലസിപ്പിക്കാൻ പെൺകുട്ടിയെ ഭീഷണിപ്പെടുത്തി കൊണ്ടുപോകുക,സംഭവം നാട്ടുകാർ അറിഞ്ഞപ്പോൾ പ്രതിയെക്കൊണ്ട് ഇരയെ വിവാഹം കഴിപ്പിച്ചു പ്രശ്നം ഒത്തുതീർക്കാൻ ശ്രമിക്കുക.
സിനിമാക്കഥയല്ല, പ്രതി സിപിഐഎം നേതാവിന്റെ അയൽക്കാരൻ അല്ലാത്തതുകൊണ്ട് നിങ്ങൾ അറിഞ്ഞു കാണില്ല.യൂത്ത് കോൺഗ്രസ് സംസ്ഥാന പ്രസിഡന്റിനൊപ്പം നിൽക്കുന്ന ഇയാൾ ആ സംഘടനയുടെ എറണാകുളം ജില്ലാ ജനറൽ സെക്രട്ടറിയാണ്. പോലീസ് ലുക്ക് ഔട്ട് നോട്ടീസ് പുറപ്പെടുവിച്ചിട്ടുണ്ട്.
https://www.facebook.com/Malayalivartha
