കോവിഡ് നിയന്ത്രണങ്ങളില്‍ ഇളവ് അനുവദിച്ച സാഹചര്യത്തില്‍ സംസ്ഥാനത്തുടനീളം പരിമിതമായ കെഎസ്ആര്‍ടിസി സര്‍വ്വീസുകള്‍
കോവിഡ് നിയന്ത്രണങ്ങളില്‍ ഇളവ് അനുവദിച്ച സാഹചര്യത്തില്‍ സംസ്ഥാനത്തുടനീളം കെ.എസ്.ആര്‍.ടി.സി. ഇന്നു മുതല്‍ പരിമിതമായ സര്‍വീസുകള്‍ നടത്തും. കോവിഡ് പ്രോട്ടോക്കോള്‍ പാലിച്ചാകും സര്‍വീസ്.
തദ്ദേശഭരണ സ്ഥാപനങ്ങള്‍ സി, ഡി കാറ്റഗറിയില്‍ ഉള്‍പ്പെടുത്തിയ (ടെസ്റ്റ് പോസിറ്റിവിറ്റി നിരക്ക് 20%ത്തില്‍ കൂടുതല്‍) പ്രദേശങ്ങളില്‍ സ്റ്റോപ്പ് അനുവദിക്കില്ല. യാത്രക്കാര്‍ കൂടുതലുള്ള സ്ഥലങ്ങളിലേക്കാവും സര്‍വീസുകള്‍.
ദീര്‍ഘദൂര സര്‍വീസുകള്‍ക്കു നിലവിലെ ഡ്യൂട്ടി പാറ്റേണ്‍ തുടരും. ഓര്‍ഡിനറി ബസുകളില്‍ 12 മണിക്കൂര്‍ എന്ന നിലയില്‍ യാത്രക്കാരുടെ ആവശ്യാനുസരണമാകും സര്‍വീസ് നടത്തുക. യാത്രാക്കാര്‍ കൂടുതലുള്ള തിങ്കള്‍, വെള്ളി ദിവസങ്ങളില്‍ കൂടുതല്‍ സര്‍വീസുണ്ടാകും. സമ്ബൂര്‍ണ ലോക്ഡൗണ്‍ സമാന ദിവസങ്ങളായ ശനിയും ഞായറും അവശ്യ സര്‍വീസുകള്‍ ഒഴികെ ഉണ്ടാവില്ല. ഞായറാഴ്ച ഉച്ചയ്ക്കുശേഷം ദീര്‍ഘദൂര സര്‍വീസ് പുനരാരംഭിക്കും.
ഇതോടൊപ്പം സംസ്ഥാനജല ഗതാഗതവകുപ്പിന്റെ ബോട്ടുകള്‍ ഓരോ സ്റ്റേഷനുകളിലും അന്‍പതുശതമാനം ഷെഡ്യൂളുകള്‍ വീതം രാവിലെ 7 മണി മുതല്‍ വൈകുന്നേരം 7 മണി വരെ സര്‍വീസ് നടത്തുമെന്നും മന്ത്രി അറിയിച്ചു.
https://www.facebook.com/Malayalivartha
