കേന്ദ്രമന്ത്രി വി. മുരളീധരന് സംസ്ഥാനത്ത് വീണ്ടും പൈലറ്റ് സുരക്ഷ അനുവദിച്ചു. സംസ്ഥാന സര്‍ക്കാര്‍ മുരളീധരന് പൈലറ്റ് സുരക്ഷ ഒഴിവാക്കിയെന്ന പരാതിയുമായി ബി ജെ പി രംഗത്തെത്തിയിരുന്നു.

നടപടിയില്‍ പ്രതിഷേധിച്ച് സര്‍ക്കാര്‍ അനുവദിച്ച ഗണ്‍മാന്‍ ബിജുവിനെ മന്ത്രി ഇന്നലെ വാഹനത്തില്‍ നിന്ന് ഇറക്കിവിടുകയും ചെയ്തിരുന്നു.

ഇതിനുപിന്നാലെയാണ് സര്‍ക്കാര്‍ വീണ്ടും പൈലറ്റ് സുരക്ഷ അനുവദിച്ചത്. ഇന്ന് കൊച്ചിയിലേക്ക് പോകുന്ന വി മുരളീധരന് എസ്‌കോര്‍ട്ടും പൈലറ്റും നല്‍കി. വൈ കാറ്റഗറി സുരക്ഷ അനുവദിക്കപ്പെട്ടിട്ടുള്ള വ്യക്തിയാണ് മുരളീധരന്‍.കേന്ദ്രമന്ത്രി കേരളത്തില്‍ എത്തുമ്പോള്‍ സാധാരണയായി പൈലറ്റും രാത്രിയില്‍ എസ്‌കോര്‍ട്ടും പൊലീസ് ഒരുക്കാറുണ്ട്.

എന്നാല്‍ കഴിഞ്ഞ ദിവസം തിരുവനന്തപുരം വിമാനത്താവളത്തിലെത്തിയപ്പോള്‍ പൈലറ്റ് വാഹനമുണ്ടായിരുന്നില്ല. ഇതോടെയാണ് ബി ജെ പി പ്രതിഷേധവുമായി രംഗത്തെത്തിയത്.