വിസ്മയയുടെ മരണവാര്‍ത്ത കണ്ടപ്പോള്‍ ഉടനെ ഭയന്ന് മകളെ വിളിച്ചു..... അവിവേകം ഒന്നും കാണിക്കരുതെന്ന് ആ മാതാപിതാക്കള്‍ കെഞ്ചി പറഞ്ഞു...പക്ഷേ അമ്മായി അമ്മയുടെ ആര്‍ത്തിക്ക് മുന്നില്‍ പിടിച്ചു നില്‍ക്കാന്‍ ആ 19കാരിക്ക് കഴിഞ്ഞില്ല.... ആലപ്പുഴയിലെ 19 കാരിയുടെ ജീവനെടുത്തത് അമ്മായിഅമ്മയുടെ ആര്‍ത്തി....

വള്ളികുന്നത്ത് ഭര്‍ത്താവിന്റെ വീട്ടില്‍ തൂങ്ങിമരിച്ച നവവധു നേരിട്ടതു കടുത്ത സ്ത്രീധന പീഡനമെന്നു കുടുംബം പറഞ്ഞു . സൈനികനായ ഭര്‍ത്താവ് ജോലിസ്ഥലത്തേക്കു മടങ്ങിയതോടെ ഭര്‍ത്താവിന്റെ അമ്മ മാനസികമായി പീഡിപ്പിച്ചെന്നാണു ഇപ്പോള്‍ പരാതി ഉയര്‍ന്നിരിക്കുന്നത് . വിവാഹത്തിനുശേഷം 10 ലക്ഷം രൂപകൂടി ആവശ്യപ്പെട്ട് അവര്‍ സമ്മര്‍ദ്ദം കൂട്ടിയെന്നും മാതാപിതാക്കള്‍ ആരോപിച്ചു.

കഴിഞ്ഞ ചൊവ്വാഴ്ചയായിരുന്നു ഓച്ചിറ സ്വദേശിനിയായ സുചിത്ര വള്ളികുന്നത്ത് ഭര്‍ത്താവ് വിഷ്ണുവിന്റെ വീട്ടില്‍ തൂങ്ങി മരിച്ചത്. വിവാഹം കഴിഞ്ഞ് മൂന്നു മാസം തികയുന്ന ദിവസമായിരുന്നു 19 വയസു മാത്രം പ്രായമുള്ള സുചിത്രയുടെ മരണം സംഭവിച്ചത് . വിവാഹത്തിനു സ്ത്രീധനമായി 51 പവനും സ്‌കൂട്ടറുമായിരുന്നു വാഗ്ദാനം ചെയ്തിരുന്നത്. എന്നാല്‍ സ്‌കൂട്ടര്‍ പോര കാര്‍ വേണമെന്ന ആവശ്യവും അവര്‍ ഉയര്‍ത്തി. അതിനും അവര്‍ വഴങ്ങുകയും ചെയ്തു .
എന്നാല്‍
വിവാഹം കഴിഞ്ഞ് 10 ലക്ഷം രൂപകൂടി ആവശ്യപ്പെട്ടു. സുചിത്രയുടെ സ്വര്‍ണത്തില്‍ കുറച്ച് ഭര്‍ത്താവിന്റെ വീട്ടുകാര്‍ പണയം വയ്ക്കുകയും ചെയ്തു . ബാക്കി സ്വര്‍ണം ലോക്കറില്‍ വയ്ക്കാന്‍ ആവശ്യപ്പെട്ടതോടെ പ്രശ്‌നം വഷളാകുകയായിരുന്നു . സൈനികനായ ഭര്‍ത്താവ് ജോലി സ്ഥലത്തേക്കു മടങ്ങിയതോടെയായിരുന്നു മകള്‍ കൂടുതല്‍ പ്രതിസന്ധിയിലായതെന്ന് അമ്മ പറയുന്നു.

കൊല്ലത്തെ വിസ്മയയുടെ മരണ വാര്‍ത്ത കണ്ടു ഭയന്നു വിളിച്ചപ്പോള്‍ താന്‍ അങ്ങനെയൊന്നും ചെയ്യില്ലെന്ന് സുചിത്ര ഉറപ്പു നല്‍കിയിരുന്നു. 20 വയസിനു മുന്‍പ് കല്യാണം നടന്നില്ലെങ്കില്‍ വിവാഹം വൈകുമെന്ന ജാതകം കാരണമാണ് പ്ലസ്ടൂ കഴിഞ്ഞപാടേ കല്യാണം നടത്തിയത്.എന്നാല്‍ സംഭവിച്ചത് ഇങ്ങനെ എല്ലാമാണ്.

ആലപ്പുഴയില്‍ വളളിക്കുന്നത്തായായിരുന്നു പത്തൊമ്പതുകാരിയെ തൂങ്ങിമരിച്ച നിലയില്‍ കണ്ടെത്തിയത് . വിഷ്ണുവിന്റെ ഭാര്യ സുചിത്രയാണ് മരിച്ചത്. മുറിക്കുളളില്‍ തൂങ്ങിമരിച്ച നിലയില്‍ കണ്ടെത്തുകയായിരുന്നു. മൂന്ന് മാസം മുമ്പായിരുന്നു വിവാഹം കഴിഞ്ഞത്. സുചിത്രയുടെ ഭര്‍ത്താവ് വിഷ്ണു സൈനികനാണ്. നിലവില്‍ ഇയാള്‍ ഉത്തരാഖണ്ഡിലാണ് ഉള്ളത്.

രാവിലെ പതിനൊന്നരയോടെയാണ് സുചിത്രയെ മരിച്ച നിലയില്‍ മുറിയ്ക്കുള്ളില്‍ കണ്ടെത്തിയതെന്നാണ് ഭര്‍തൃമാതാവ് നാട്ടുകാരോട് പറഞ്ഞത്. തുടര്‍ന്ന് തൊട്ടടുത്തുള്ളവരെയെല്ലാം വിളിച്ച് വരുത്തിയ ശേഷം ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. സംഭവത്തില്‍ വള്ളികുന്നം പൊലീസ് കേസെടുത്ത് അന്വേഷണം ആരംഭിച്ചു.

സുചിത്രയുടെ മരണത്തിന് പിന്നിലെ കാരണം എന്താണെന്ന് വിശദമായി പരിശോധിച്ച ശേഷം മാത്രമേ പറയാനാകൂവെന്ന് പൊലീസ് വ്യക്തമാക്കിയിരുന്നു . സംഭവസമയത്ത് സുചിത്രയുടെ ഭര്‍തൃമാതാവും പിതാവും മാത്രമാണ് വീട്ടിലുണ്ടായിരുന്നത്. അടുത്തിടെയാണ് വിവാഹത്തിന്റെ ലീവ് കഴിഞ്ഞ ശേഷം സൈനികനായ വിഷ്ണു തിരികെ ഡ്യൂട്ടിയില്‍ പ്രവേശിച്ചത്.