എംസി ജോസഫൈന് പറ്റിയ തെറ്റ് പരാതിക്കാരിയോട് തട്ടിക്കയറിയതല്ല മറിച്ച് മറ്റൊന്നായിരുന്നു. തുറന്നടിച്ച് അഡ്വക്കേറ്റ് ബി ജയശങ്കർ.അദ്ദേഹത്തിന്റെ വാക്കുകൾ ഇങ്ങനെ.... വാമൊഴി വഴക്കം വിനയായി, വനിതാ കമ്മീഷൻ അധ്യക്ഷയുടെ കസേര തെറിച്ചു.

പരാതിക്കാരിയോടു തട്ടിക്കയറിയതല്ല, മനോരമ പോലൊരു ചാനലിൽ ഫോൺ ഇൻ പ്രോഗ്രാമിനു പോയതാണ് ജോസഫൈനു പറ്റിയ യഥാർത്ഥ തെറ്റ്. പറഞ്ഞിട്ടു ഫലമില്ല. ഇനി അനുഭവിക്ക്. എന്നായിരുന്നു അദ്ദേഹം പറഞ്ഞത്. വനിതാ കമ്മിഷൻ അദ്ധ്യക്ഷ എം.സി. ജോസഫെെന്റെ രാജിയിൽ പ്രതികരിക്കുകയായിരുന്നു രാഷ്ട്രീയ നിരീക്ഷകൻ അഡ്വ. എ. ജയശങ്കർ.

ഏറെ വിവാദങ്ങൾക്കൊടുവിൽ പാർട്ടി കൂടി കെെവിട്ടതോടെയാണ് ജോസഫെെൻ രാജിവച്ചത്. സ്വകാര്യ ചാനലിലെ ഫോൺ ഇൻ പരിപാടിയിൽ ഗാര്‍ഹിക പീഡനത്തിനെതിരെ പരാതി പറയാന്‍ വിളിച്ച സ്ത്രീകളോട് പൊലീസില്‍ പരാതിപ്പെട്ടില്ലെങ്കില്‍ നിങ്ങൾ അനുഭവിച്ചോളാൻ പറഞ്ഞ ജോസഫെെന്റെ നടപടിയാണ് രാജിയിലേക്ക് നയിച്ചത്. ഈ സംഭവത്തിൽ ഖേദം പ്രകടിപ്പിച്ചതായും ജോസഫെെന്റെ രാജി സന്നദ്ധത പാർട്ടി അംഗീകരിക്കുകയായിരുന്നു എന്നുമാണ് സി.പി.എം പറയുന്നത്.

വനിത കമ്മിഷൻ രൂപീകരിച്ചപ്പോൾ അതിന്‍റെ ഘടനയിൽ അതിൽ ചില കാര്യങ്ങൾ പ്രത്യേകം എടുത്തുപറഞ്ഞിരുന്നു. 'കമ്മിഷൻ അദ്ധ്യക്ഷ എന്നത് സ്ത്രീകളുടെ പ്രശ്‌നങ്ങൾ കൈകാര്യം ചെയ്‌ത് അറിവും, പരിചയവുമുള്ള ആളായിരിക്കണം. പരാതിക്കാരോട് കരുതലോടെ വേണം പെരുമാറാൻ. ഒരു തരത്തിലും പരാതിക്കാരെ ബുദ്ധിമുട്ടിക്കാനല്ല കമ്മിഷൻ. ഇപ്രകാരം വനിതകളുടെ സംരക്ഷണത്തിനും, പിന്തുണ നൽകുന്നതിനും, സ്ത്രീകളുടെ പ്രശ്‌നങ്ങൾ പരിഹരിക്കുന്നതിനുമായാണ് വനിതാ കമ്മിഷൻ രൂപീകരിച്ചത്.' എന്നാൽ ജോസഫെെൻ പലപ്പോഴും ഇതിന് വിരുദ്ധമായാണ് പ്രവർത്തിച്ചത് എന്ന അക്ഷേപം നേരത്തെ തന്നെ ഉയർന്നിരുന്നു.