സംസ്ഥാനത്ത് എസ്എസ്എല്സി, പ്ലസ് ടു പരീക്ഷകളുടെ മൂല്യനിര്ണയം പൂര്ത്തിയായി...
സംസ്ഥാനത്ത് എസ്എസ്എല്സി, പ്ലസ് ടു പരീക്ഷകളുടെ മൂല്യനിര്ണയം പൂര്ത്തിയായി. രണ്ടാം വര്ഷ ഹയര് സെക്കന്ഡറിയില് ഒരു കേന്ദ്രത്തിലെ ടാബുലേഷന് മാത്രമാണ് ബാക്കിയുള്ളത്.
ഇത് തിങ്കളാഴ്ച നടക്കുമെന്ന് ഹയര് സെക്കന്ഡറി ജോയിന്റ് ഡയറക്ടര് ഡോ. വിവേകാനന്ദന് അറിയിച്ചു. അതുപോലെ എസ്എസ്എല്സിയില് ഏതാനും കേന്ദ്രങ്ങളിലെ ടാബുലേഷന് ബാക്കിയുണ്ട്. ഇത് അടുത്ത പ്രവൃത്തി ദിനത്തില്ത്തന്നെ തീര്ക്കാനാകുമെന്ന് പരീക്ഷാഭവന് അധികൃതര് വ്യക്തമാക്കി.
എസ്എസ്എല്സിക്ക് ഐടി പ്രാക്ടിക്കല് പരീക്ഷ റദ്ദാക്കിയതിനാല് ടാബുലേഷന് ജോലികള് പൂര്ത്തിയാക്കുന്നതോടെ ഫലപ്രഖ്യാപനം വേഗത്തില് നടത്താന് കഴിയും.
ഗ്രേസ് മാര്ക് സംബന്ധിച്ച് സര്കാര് തീരുമാനം വന്നശേഷമേ ഫലം പ്രസിദ്ധീകരിക്കുന്ന തീയതിയില് തീരുമാനമാകൂം. പ്ലസ് ടു പ്രാക്ടികല് പരീക്ഷ ഈ മാസം 25ന് ആരംഭിച്ച് ജൂലൈ 12ന് അവസാനിക്കും.
അതിന് ശേഷം അവയുടെ മാര്ക് കൂടി ഹയര് സെക്കന്ഡറി പരീക്ഷാ സെര്വറിലേക്ക് അപ്ലോഡ് ചെയ്ത് പരീക്ഷാബോര്ഡ് കൂടിയശേഷം ജൂലൈ മൂന്നാംവാരം പരീക്ഷാഫലം പ്രസിദ്ധീകരിക്കും.
"
https://www.facebook.com/Malayalivartha
