കൊച്ചിയിൽ ദ​ക്ഷി​ണ നാ​വി​ക​സേ​ന കേ​ന്ദ്ര​ത്തി​ല്‍ നാ​വി​കനെ വെ​ടി​യേ​റ്റ്​ മ​രി​ച്ച​നി​ല​യി​ല്‍ കണ്ടെത്തി. ഉ​ത്ത​ര്‍​പ്ര​ദേ​ശ് അ​ലി​ഗ​ഢ് ശി​വ​പ്ര​കാ​ശ് അ​ത്രി​യു​ടെ മ​ക​ന്‍ തു​ഷാ​ര്‍ അ​ത്രി​യാ​ണ് (19) ഡ്യൂ​ട്ടി​ക്കി​ടെ വെ​ടി​യേ​റ്റ്​ മ​രി​ച്ച​ത്. ചൊ​വ്വാ​ഴ്ച പു​ല​ര്‍​ച്ച മൂ​ന്നി​നാ​ണ് സം​ഭ​വം. നാ​വി​ക കേ​ന്ദ്ര​ത്തിന്‍റെ ഭാ​ഗ​മാ​യ ക​ഠാ​രി​ഭാ​ഗി​ല്‍ സു​ര​ക്ഷ പോ​സ്​​റ്റ​ല്‍ ഡ്യൂ​ട്ടി​യ്ക്കിടെയാണ് തു​ഷാറിനെ വെടിയേറ്റു മരിച്ച നിലയില്‍ കണ്ടെത്തിയത്.

ഡ്യൂട്ടിയ്ക്കിടെ തുഷാറുമായുള്ള ആ​ശ​യ​വി​നി​മ​യ ബ​ന്ധം നി​ല​ച്ച​തി​നെ തു​ട​ര്‍​ന്നു​ള്ള അ​ന്വേ​ഷ​ണ​ത്തി​ലാ​ണ് വെ​ടി​യേ​റ്റ്​ മ​രിച്ച നിലയില്‍ ഇയാളെ കണ്ടെത്തിയത്. പുതിയതായി ജോലിയില്‍ പ്രവേശിച്ചശേഷം പ​രി​ശീ​ല​നം പൂര്‍ത്തിയാക്കി ഒ​രു വ​ര്‍​ഷം മു​മ്ബാണ് തുഷാര്‍ കൊ​ച്ചി​യി​ല്‍ ജോലിയില്‍ പരവേശിച്ചത്. ആത്മഹത്യയാണെന്നാണ് പ്രാഥമിക നിഗമനം. മ​ര​ണ കാ​ര​ണ​ങ്ങ​ളെ​ക്കു​റി​ച്ച്‌ നാ​വി​ക കേ​ന്ദ്രം അ​ന്വേ​ഷ​ണം ആരംഭിച്ചിട്ടുണ്ട്. കൊ​ച്ചി ഹാ​ര്‍​ബ​ര്‍ പൊ​ലീ​സ് സ്ഥലത്തെത്തി തുടര്‍ നടപടികള്‍ സ്വീകരിച്ചു. മൃ​ത​ദേ​ഹം ക​ള​മ​ശ്ശേ​രി മെ​ഡി​ക്ക​ല്‍ കോ​ള​ജി​ല്‍ പോ​സ്​​റ്റ്​​മോ​ര്‍​ട്ടം ന​ട​ത്തി. ബു​ധ​നാ​ഴ്ച തു​ഷാ​റി​ന്‍റെ ബ​ന്ധു​ക്കള്‍ ഉത്തര്‍പ്രദേശില്‍ നിന്ന് എ​ത്തി മൃ​ത​ദേ​ഹം ഏ​റ്റു​വാ​ങ്ങും. അ​സ്വാ​ഭാ​വി​ക മ​ര​ണ​ത്തി​ന് പൊലീസ് കേസ് രജിസ്റ്റര്‍ ചെയ്തിട്ടുണ്ട്. സംഭവത്തെക്കുറിച്ച്‌ അന്വേഷണം ആരംഭിച്ചതായും ഹാര്‍ബര്‍ പൊലീസ് വൃത്തങ്ങള്‍ പറയുന്നു.