ഓണ്‍ലൈന്‍ ക്ലാസുകള്‍ക്കായി മൊബൈല്‍ ഫോണുകള്‍ കുട്ടികളുടെ കൈയില്‍ കിട്ടിയതോടെ വന്‍ ചതിക്കുഴികള്‍ ആണ് കുട്ടികളെ കാത്തിരിക്കുന്നത്.

മൊബൈല്‍ ഫോണ്‍ ഗെയിമിന്റെ കെണിയായിരുന്നു ഇതുവരെ കുട്ടികളെ കുടുക്കിയിരുന്നതെങ്കില്‍, അശ്ലീല വിളിയുമായി ഇന്ന് കാമുകകഴുകന്മാര്‍ ആണ് പെണ്‍കുട്ടികള്‍ക്ക് കെണിയൊരുക്കുന്നത്.

കഴിഞ്ഞ ദിവസം കോട്ടയത്തിന് സമീപത്തു നിന്ന് ചൈല്‍ഡ് ലൈനിന് മുന്നില്‍ ഒരു പരാതിയെത്തി. ഈ കേസാണ് ഞെട്ടിക്കുന്ന പല സത്യങ്ങളും വെളിച്ചത്തേക്ക് കൊണ്ടുവന്നത് .

കോട്ടയം നഗരത്തിന് സമീപപ്രദേശത്തെ സ്‌കൂളിലെ പത്താം ക്ലാസ് വിദ്യാര്‍ത്ഥിനിയാണ് സംഘത്തിന്റെ കെണിയില്‍ കുടുങ്ങിയത്. മുന്‍പ് മറ്റൊരു യുവാവുമായി ചാറ്റ് ചെയ്തിന്റെ പേരില്‍ പെണ്‍കുട്ടിയുടെ മൊബൈല്‍ഫോണ്‍ വീട്ടുകാര്‍ പിടിച്ചു വച്ചിരുന്നു. ഇതിനിടെയാണ് വീണ്ടും ഓണ്‍ലൈന്‍ ക്ലാസ് ആരംഭിച്ചത്. അതുകൊണ്ട് അമ്മയുടെ ഫോണില്‍ നിന്നാണ് കുട്ടി ക്ലാസ്സില്‍ കയറുന്നത്.

കഴിഞ്ഞദിവസം പുലര്‍ച്ചെ കുട്ടി, അമ്മയുടെ ഫോണുമായി മുറിയില്‍ കയറി കതകടച്ചു. ക്ലാസിനിടെ മറ്റൊരു യുവാവുമായി ഇന്‍സ്റ്റഗ്രാം വഴി ചാറ്റ് ചെയ്യുകയായിരുന്നു പെണ്‍കുട്ടി.

മുറിയില്‍നിന്നും അനക്കം ഒന്നും കേള്‍ക്കാതെ വന്നതോടെ, അപ്രതീക്ഷിതമായി അമ്മ മുറിയിലേക്ക് കയറി വന്നതോടെയാണ് ഞെട്ടിക്കുന്ന ആ കാഴ്ച കണ്ടത്. കട്ടിലില്‍ പൂര്‍ണ നഗ്‌നയായാണ് മകള്‍ ഇരുന്നിരുന്നത്. മുറിയിലേക്ക് അമ്മ കടന്നു വന്നതും, മൊബൈല്‍ ഫോണ്‍ ഉപേക്ഷിച്ച കുട്ടി ഓടി ബാത്‌റൂമില്‍ കയറി.

ഇതേ തുടര്‍ന്ന് അമ്മ ഫോണ്‍ എടുത്ത് തന്ത്രപൂര്‍വ്വം ചാറ്റിങ്ങ് തുടര്‍ന്നു. തുടര്‍ന്ന് യുവാവ് കുട്ടിയോട് അശ്ലീല സംഭാഷണം ആരംഭിച്ചു. മറുവശത്ത് അമ്മയാണ് എന്ന് അറിയാതെ ആയിരുന്നു ഇയാളുടെ അശ്ലീല സംഭാഷണം. ഇതിനിടെ കുട്ടിയുടെ ഫോണിലേക്ക് ഇയാള്‍ അശ്ലീല വീഡിയോ അയച്ചു .

ഇതോടെയാണ് അമ്മ പൊലീസിനെയും ചൈല്‍ഡ് ലൈനിനെയും സമീപിച്ചത്. തുടര്‍ന്ന് നടത്തിയ അന്വേഷണത്തില്‍ ആലപ്പുഴ സ്വദേശിയാണ് പെണ്‍കുട്ടിയുമായി ചാറ്റ് ചെയ്തിരുന്ന യുവാവ് എന്ന് കണ്ടെത്തി. സംഭവത്തില്‍ പൊലീസ് അന്വേഷണം ആരംഭിച്ചു.

ഓണ്‍ലൈന്‍ ക്ലാസുകളുടെ മറവില്‍ നടക്കുന്ന ഇത്തരം പ്രവണതകള്‍ മുളയിലേ നുള്ളേണ്ടതാണ്. മാതാപിതാക്കള്‍ കുട്ടികളുടെ ഓണ്‍ലൈന്‍ ക്ലാസുകള്‍ കൂടുതല്‍ ജാഗ്രതയോടെ ശ്രദ്ധിക്കണമെന്നതിന്റെ ഏറ്റവും വലിയ തെളിവാണ് കോട്ടയത്തെ സംഭവം.