സംസ്ഥാനത്ത് സ്ത്രീധന നിരോധന ചട്ടങ്ങളില് ഭേദഗതി വരുത്തി വനിത ശിശുവികസന വകുപ്പ്
സംസ്ഥാനത്ത് സ്ത്രീധന നിരോധന ചട്ടങ്ങളില് ഭേദഗതി. എല്ലാ ജില്ലകളിലും ഡൗറി പ്രൊഹിബിഷന് ഓഫീസര്മാരെ നിശ്ചയിച്ച് വനിത ശിശുവികസന വകുപ്പ് ഉത്തരവിറക്കിയതായി ആരോഗ്യ- വനിത ശിശുവികസന വകുപ്പ് മന്ത്രി വീണാ ജോര്ജ് അറിയിച്ചു. ജില്ലാതല അഡ്വൈസറി ബോര്ഡും രൂപീകരിക്കും.
തിരുവനന്തപുരം, എറണാകുളം, കോഴിക്കോട് ജില്ലകളില് മാത്രമാണ് ഡൗറി പ്രൊഹിബിഷന് ഓഫീസര്മാര് ഉണ്ടായിരുന്നത്. വനിത ശിശു വികസന വകുപ്പ് ജില്ലാ ഓഫീസര്മാരെ തല്സ്ഥാനത്ത് നിയമിച്ചാണ് നിയമഭേദഗതി. വനിതാ ശിശുവികസന വകുപ്പ് ഡയറക്ടറെ ചീഫ് ഡൗറി പ്രൊഹിബിഷന് ഓഫീസറായും നിയമിച്ചു.
സ്ത്രീധനത്തിനെതിരെ ശക്തമായ നടപടികളെടുക്കുന്നതിന്റെ ഭാഗമായാണ് നടപടി. ജില്ലാതലത്തിലെ പ്രൊഹിബിഷന് ഓഫീസര്മാരുടെ ആദ്യഘട്ട പരിശീലനം പൂര്ത്തിയാക്കിയിട്ടുണ്ട്. സ്ത്രീധനവുമായി ബന്ധപ്പെട്ട പരാതികളില് സ്ത്രീകളെ സഹായിക്കുന്നതിനായി സന്നദ്ധ സംഘടനകളുടെ താത്പര്യപത്രവും ക്ഷണിച്ചു.
https://www.facebook.com/Malayalivartha