ബിജെപി സംസ്ഥാന ഉപാദ്ധ്യക്ഷന് ഡോ. കെ. എസ് രാധാകൃഷ്ണന് വധഭീഷണി; ഭീഷണി ഫോണ് കോള് വന്നത് യുഎഇയില് നിന്നും
ബിജെപി സംസ്ഥാന ഉപാദ്ധ്യക്ഷന് ഡോ. കെ. എസ് രാധാകൃഷ്ണന് വധഭീഷണി. സംഭവത്തില് എറണാകുളം സിറ്റി പോലീസ് കമ്മീഷണര്ക്ക് പരാതി നല്കി. വെള്ളിയാഴ്ച രാവിലെ 11 യോടെയായിരുന്നു സംഭവം.
ഫോണില് വിളിച്ചായിരുന്നു അദ്ദേഹത്തിന് നേരെ വധ ഭീഷണി മുഴക്കിയത്. യുഎഇയില് നിന്നുമായിരുന്നു ഭീഷണി ഫോണ് കോള് വന്നത്. വിളിച്ചയാള് അസഭ്യം പറഞ്ഞതായും, കൊല്ലുമെന്ന് ഭീഷണി മുഴക്കിയതായും അദ്ദേഹം നല്കിയ പരാതിയില് പറയുന്നു. പിന്നീട് 11. 32 നും, 12.14 നും അഞ്ജാതന് വീണ്ടും വിളിക്കാന് ശ്രമിച്ചെന്നും രാധാകൃഷ്ണന് പറഞ്ഞു.
സംഭവത്തില് ഇ- മെയില് വഴിയാണ് അദ്ദേഹം പരാതി നല്കിയത്. ഫോണ് വന്ന നമ്ബറും പരാതിയ്ക്കൊപ്പം നല്കിയിട്ടുണ്ട്. രാധാകൃഷ്ണന് നേരെയുള്ള തീവ്രവാദികളുടെ ഭീഷണി അന്ത്യന്തം ഗൗരവമുള്ളതാണെന്ന് ബിജെപി സംസ്ഥാന അദ്ധ്യക്ഷന് കെ. സുരേന്ദ്രന് പറഞ്ഞു. പോലീസ് ശക്തമായ അന്വേഷണം നടത്തി കുറ്റവാളികളെ നിയമത്തിനു മുന്നില് കൊണ്ടുവരണം. സര്ക്കാര് ഇക്കാര്യത്തില് അമാന്തം കാണിക്കരുതെന്നും അദ്ദേഹം ആവശ്യപ്പെട്ടു.
https://www.facebook.com/Malayalivartha