തലസ്ഥാന നഗരിയില് ഉത്തരേന്ത്യന് പെണ്വാണിഭ റാക്കറ്റ് സംഘം.... അറസ്റ്റിലായത് ഒമ്പത് സ്ത്രീകളും ഒമ്പത് പുരുഷന്മാരും
തലസ്ഥാന നഗരിയില് സജീവമായിരുന്ന ഉത്തരേന്ത്യന് പെണ്വാണിഭ സംഘം പിടിയിലായി. ഒമ്പത് സ്ത്രീകളും ഒമ്പത് പുരുഷന്മാരും ഉള്പ്പെടെ 18 പേരാണ് കസ്റ്റഡിയിലായത്. പെണ്വാണിഭ സംഘത്തിന്റെ നടത്തിപ്പുകാരും അസാം സ്വദേശികളുമായ മുസാഹുള് ഹഖ്, റബുള് ഹുസൈന് എന്നിവരും പിടിയിലായി. ഉത്തരേന്ത്യയില് നിന്നും സ്ത്രീകളെ കേരളത്തിലെത്തിച്ച് പെണ്വാണിഭം നടത്തുന്നതായി അസാം പൊലീസിന് വിവരം ലഭിച്ചിരുന്നു. തുടര്ന്ന് ഈ മാസം 11 ന് മുസാഹുള് ഹഖ്, റബുള് ഹുസൈന് എന്നിവരെ പ്രതികളാക്കി അസാം പൊലീസ് കേസ് രജിസ്റ്റര് ചെയ്തു. ഇരുവരുടെയും ഫോണ് വിളികള് കേന്ദ്രീകരിച്ച് നടത്തിയ അന്വേഷണത്തെ തുടര്ന്നാണ് അസാം പൊലീസ് ഇന്ന് തിരുവനന്തപുരത്തെത്തിയത്. സിറ്റി പൊലീസ് കമ്മിഷണര് ഐ ജി ബല്റാം കുമാര് ഉപാദ്ധ്യായയെ കണ്ട സംഘം കാര്യങ്ങള് വ്യക്തമാക്കി. തുടര്ന്ന് ഷാഡോ പൊലീസുമായി ചേര്ന്ന് സംഘം റെയ്ഡ് നടത്തുകയായിരുന്നു. മെഡിക്കല് കോളജ്, തമ്പാനൂര് പൊലീസ് സ്റ്റേഷന് പരിധികളിലെ ഹോട്ടലുകളില് നിന്നാണ് ഇവരെ കസ്റ്റഡിയിലെടുത്തത്. ഇതര സംസ്ഥാന തൊഴിലാളികളായ രണ്ടു കസ്റ്റമേഴ്സും പിടിയിലായിട്ടുണ്ട്. പ്രതികളെ ഉടന് അസാമിലേക്ക് കൊണ്ടു പോകുമെന്ന് പൊലീസ് അറിയിച്ചു.
https://www.facebook.com/Malayalivartha