അധ്യാപകരല്ല ഡിജിറ്റല് ഉപകരണം വാങ്ങേണ്ടത് സ്കൂള്തല സമിതിയാണെന്ന് വിദ്യാഭ്യാസ വകുപ്പ്
ഡിജിറ്റല് വിദ്യാഭ്യസത്തിന്റെ ഭാഗമായി ഓണ്ലൈന് ക്ലാസിന് ആവശ്യമായ ഡിജിറ്റല് ഉപകരണങ്ങള് വാങ്ങി നല്കേണ്ടത് അധ്യാപകര് ആണെന്ന് നിഷ്കര്ഷിച്ചിട്ടില്ലെന്നും സ്കൂള്തല സമിതിയാണു നിര്വഹിക്കേണ്ടതെന്നും വിദ്യാഭ്യാസ വകുപ്പിന്റെ വിശദീകരണം. കുട്ടികള്ക്ക് ഡിജിറ്റല് ഉപകരണം സര്ക്കാര് ഉറപ്പാക്കുമെന്നു നിയമസഭയില് പറഞ്ഞ ശേഷം അതിന്റെ ചുമതല അധ്യാപകരുടെ നേതൃത്വത്തിലുള്ള സമിതിയെ ഏല്പ്പിച്ചു തലയൂരാന് കഴിയില്ലെന്ന് അധ്യാപകര് ശക്തമായി പ്രതികരിച്ചു. ജൂലൈ ഒന്പതിലെ സര്ക്കാര് ഉത്തരവില് സ്കൂള്തല സമിതിയാണ്, ഡിജിറ്റല് ഉപകരണങ്ങള് ഇല്ലാത്ത കുട്ടികളെ കണ്ടെത്തി ആവശ്യക്കാര്ക്ക് ലഭ്യമാക്കേണ്ടതെന്ന് പരാമര്ശിച്ചിട്ടുണ്ട്. ഇതിന് സ്പോണ്സര്മാരെ കണ്ടെത്താമെന്നും വിശദീകരിച്ചിരുന്നു. പക്ഷെ തീരദേശ, മലയോര മേഖലകളിലെ പാവപ്പെട്ട രക്ഷിതാക്കളും സാധാരണക്കാരുമടങ്ങുന്ന സമൂഹത്തില് എങ്ങനെയാണ് സ്പോണ്സര്മാരെ കണ്ടെത്തി ഫോണ് വാങ്ങിക്കുകയെന്നാണ് ഇപ്പോള് അധ്യാപകര് ഉന്നയിക്കുന്നത്.
https://www.facebook.com/Malayalivartha