ഒറ്റയ്ക്ക് താമസിക്കുന്ന വൃദ്ധയുടെ വീടിന്റെ ഓടിളക്കി അകത്ത് കയറി! വൃദ്ധയെ പീഡിപ്പിക്കാന് ശ്രമം: യുവാവ് അറസ്റ്റില്
എഴുപത്തഞ്ച് വയസുകാരിയെ പീഡിപ്പിക്കാന് ശ്രമിച്ച കേസില് ഓമല്ലൂര് പറയനാലി അണ്ണാ വാതുക്കല് മഹേഷിനെ(25) പൊലീസ് പിടികൂടി.ഇന്നലെ രാത്രി ഒന്പതുമണിയോടെ ആയിരുന്നു കേസിനാസ്പദമായ സംഭവം നടന്നത്. ഒറ്റയ്ക്ക് താമസിക്കുന്ന വൃദ്ധയുടെ വീടിന്റെ ഓടിളക്കി അകത്ത് കടന്നാണ് ആക്രമണം നടത്തിയത്. ബലപ്രയോഗത്തിനിടയില് വൃദ്ധയുടെ മൂക്കും വായും കൂട്ടിപ്പിടിച്ച് ശ്വാസം മുട്ടിച്ചെങ്കിലും പ്രതിയുടെ കൈയില് കടിച്ചതിനെ തുടര്ന്ന് ഇയാള് പിടിവിട്ട് ഓടി.
ഇതിനിടയില് ഇയാളുടെ കൈലിയും മൊബെല് ഫോണും നഷ്ടപ്പെട്ടിരുന്നു. ഇതെടുക്കാന് തിരിച്ചെത്തിയപ്പോള് വൃദ്ധയുടെ നിലവിളി കേട്ട് ഓടിയെത്തിയ നാട്ടുകാര് ഇയാളെ പിടികൂടുകയായിരുന്നു. പൊലീസ് എത്തിയെങ്കിലും പ്രതിയെ കസ്റ്റഡിയില് എടുത്തില്ലെന്ന് നാട്ടുകാര് പരാതിപ്പെട്ടു. വാര്ഡ് മെമ്ബറും നാട്ടുകാരും ചേര്ന്ന് സ്വകാര്യ വാഹനത്തില് പത്തനംതിട്ട ജനറല് ആശുപത്രിയില് എത്തിച്ച് വൈദ്യ പരിശോധന നടത്തി പൊലീസ് സ്റ്റേഷനില് ഹാജരാക്കുകയായിരുന്നു. ഇയാള് മദ്യപിച്ചിരുന്നതായി പറയപ്പെടുന്നു. ഇന്സ്പെക്ടര് അലീനയുടെ നേതൃത്വത്തില് പത്തനംതിട്ട പൊലീസെത്തി പരാതിക്കാരിയുടെ മൊഴി രേഖപ്പെടുത്തുകയായിരുന്നു. പ്രതിയെ റിമാന്ഡ് ചെയ്തു
കഴിഞ്ഞ ലോക്ക് ഡൗണില് വ്യാജചാരായ കേസില് മഹേഷിനെ അറസ്റ്റു ചെയ്തിരുന്നു. പത്തനംതിട്ട സപ്ലൈകോ കുത്തിത്തുറന്ന് വിദേശ മദ്യം മോഷ്ടിച്ച കേസില് പിടിക്കപ്പെടുകയും പതിനായിരം രൂപ ശിക്ഷിക്കുകയും ചെയ്തിട്ടുണ്ട്. പ്രായപൂര്ത്തിയാകാത്ത പെണ്കുട്ടികളെ ഉപദ്രവിച്ച സംഭവത്തില് നാട്ടുകാര് പിടികൂടിയെങ്കിലും രാഷ്ട്രീയ നേതൃത്വം ഇടപെട്ട് കേസ് ഒതുക്കിയതായി ആക്ഷേപമുണ്ട്.
https://www.facebook.com/Malayalivartha
