നെഞ്ചു പിളര്‍ക്കുന്ന കാഴ്ച..... മകളുടെ ഓര്‍മയില്‍ മാതാപിതാക്കള്‍ അലമുറയിട്ടുകൊണ്ട് കേക്ക് മുറിക്കുകയും അവള്‍ക്ക് ഇഷ്ടപ്പെട്ട വിഭവങ്ങള്‍ ഒരുക്കുകയും ചെയ്തപ്പോള്‍ കരയാത്തവരായി ആരുമില്ല... കണ്ണീരില്‍ കുതിര്‍ന്ന് വീടും പരിസരവും
നെഞ്ചു പിളര്‍ക്കുന്ന കാഴ്ച.... മകളുടെ ഓര്‍മയില്‍ മാതാപിതാക്കള്‍ അലമുറയിട്ടുകൊണ്ട് കേക്ക് മുറിക്കുകയും അവള്‍ക്ക് ഇഷ്ടപ്പെട്ട വിഭവങ്ങള്‍ ഒരുക്കുകയും ചെയ്തപ്പോള്‍ കരയാത്തവരായി അവിടെ ആരുമില്ല... കണ്ണീരില്‍ കുതിര്‍ന്ന് വീടും പരിസരവും.
ജൂലായ് 16. ക്രൂരമായി അവള്‍ കൊല്ലപ്പെട്ടിട്ട് 16 ദിവസം. അന്ന് തന്നെയായിരുന്നു അവളുടെ ഏഴാം പിറന്നാളും. പതിനാറുദിവസം മുമ്പാണ് ചുരക്കുളത്ത് ആറുവയസ്സുകാരി പീഡനശേഷം കെട്ടിത്തൂക്കി കൊലചെയ്യപ്പെട്ടത്. അടുത്ത വീട്ടില്‍ താമസിക്കുന്ന ഇരുപത്തിരണ്ടു വയസ്സുകാരനായിരുന്നു കൃത്യത്തിന് പിന്നില്‍.
പെണ്‍കുട്ടിയുടെ മരണാനന്തര ചടങ്ങുകള്‍ നടക്കുന്ന പതിനാറാംദിനവും പിറന്നാള്‍ദിനവും ഒരു ദിവസം തന്നെയായതോടെ ആ വീടും അയല്‍പക്കങ്ങളും ദുഃഖത്തിലാഴ്ന്നു.
രണ്ടുലയങ്ങളിലായി പതിനാറോളം കുടുംബങ്ങള്‍ താമസിക്കുന്ന പ്രദേശത്തെ കിലുക്കാംപെട്ടിയായിരുന്നു ആ ആറുവയസ്സുകാരി. എല്ലാ വീട്ടിലേയും സ്ഥിരം സന്ദര്‍ശക. വിശേഷങ്ങള്‍ ചോദിച്ചും പറഞ്ഞും ഏവര്‍ക്കും പ്രിയപ്പെട്ടവള്‍.
കഴിഞ്ഞ തവണത്തെ പിറന്നാള്‍ ഏവരും ചേര്‍ന്നാണ് ആഘോഷമാക്കിയത്. എല്ലാവരും അവള്‍ക്ക് പിറന്നാള്‍ സമ്മാനങ്ങള്‍ നല്കി. ഇത്തവണയും പിറന്നാള്‍ ആഘോഷമാക്കാനിരിക്കെയാണ് അവള്‍ ദാരുണമായി കൊലചെയ്യപ്പെട്ടത്.
എങ്കിലും മരണശേഷമുള്ള പതിനാറാംദിവസവും പിറന്നാള്‍ദിനവും ഒന്നായി വന്ന ദിവസം അവള്‍ക്കിഷ്ടമായ വിഭവങ്ങള്‍ ഒരുക്കി ഓര്‍മദിനമാക്കാന്‍ ആരും മറന്നില്ല.
അവള്‍ താമസിച്ച ലയത്തിന്റെ ഇടുങ്ങിയ മുറിയില്‍ അവള്‍ക്ക് ഇഷ്ടപ്പെട്ട മധുര പലഹാരങ്ങള്‍, ബിരിയാണി, ചോക്കലേറ്റ്, ഐസ്‌ക്രീം തുടങ്ങിയവ നിരത്തിവെച്ചു. അവളുടെ ആഗ്രഹപ്രകാരം പേരെഴുതിയ പിറന്നാള്‍ കേക്ക് വാങ്ങി. ബന്ധുക്കളും കുടുംബക്കാരും ഒത്തുകൂടി.
സന്തോഷത്തോടുകൂടി മുറിക്കേണ്ട പിറന്നാള്‍ കേക്ക് അലമുറയോടെ കുട്ടിയുടെ പിതാവ് മുറിച്ചു. കരച്ചിലും വിങ്ങലും നിറഞ്ഞുനിന്ന അന്തരീക്ഷത്തില്‍ വിതരണം ചെയ്ത കേക്ക് ബന്ധുക്കള്‍ കണ്ണീരോടെ സ്വീകരിച്ചു, തങ്ങളുടെ പ്രിയപ്പെട്ടവളുടെ ഓര്‍മയ്ക്കായി. ആ രംഗം കണ്ടു നിന്നവരുടെ നെഞ്ചു പിളര്‍ക്കുന്ന കാഴ്ചയായി. ആ കിലുക്കാംപെട്ടിയായ അവളെ അത്രയ്ക്ക് പ്രിയമായിരുന്നു എല്ലാപേര്‍ക്കും.
"
https://www.facebook.com/Malayalivartha
