കൊടകര കേസ് സ്വാഹയായി... കൊടകര കുഴല്പ്പണക്കേസിലെ കവര്ച്ച കേസ് അന്വേഷണം അവസാനിച്ചതെങ്ങനെ? പ്രധാനമന്ത്രിയും മുഖ്യമന്ത്രിയുമായി നടത്തിയ കൂടിക്കാഴ്ചയില് ഇക്കാര്യത്തില് തീരുമാനമായെന്ന് സൂചന
കൊടകര കുഴല്പ്പണക്കേസിലെ കവര്ച്ച കേസ് അന്വേഷണം അവസാനിച്ചതെങ്ങനെയെന്ന ചോദ്യത്തിനുള്ള ലളിതമായ മറുപടിയാണ് ഇത്. പ്രധാനമന്ത്രിയും മുഖ്യമന്ത്രിയുമായി നടത്തിയ കൂടിക്കാഴ്ചയില് ഇക്കാര്യത്തില് തീരുമാനമായെന്നാണ് ലഭിക്കുന്ന സൂചനകള്.
കുഴല്പ്പണ കവര്ച്ച ആകസ്മികമായി സംഭവിച്ചതല്ല, കൃത്യമായി മുന്കൂട്ടി ആസൂത്രണം ചെയ്തതെന്ന് ഹൈക്കോടതിയുടെ നിരീക്ഷണം കൊണ്ട് യാതൊരു പ്രയോജനവുമുണ്ടാകാന് പോകുന്നില്ലെന്നതാണ് യാഥാര്ത്ഥ്യം.
കേസില് നിഗൂഢമായ ഒരുപാട് കാര്യങ്ങള് ഇനിയും പുറത്ത് വരാനുണ്ടെന്ന് ഹൈക്കോടതി പറയുന്നു. ചില പ്രധാനപ്രതികള് ഇപ്പോഴും പുറത്തുണ്ട്. കുഴല്പ്പണത്തിന്റെ ഉറവിടമെന്ത്, പണം എത്തിച്ചത് എന്തിന് വേണ്ടി എന്നതെല്ലാം അന്വേഷിക്കണമെന്നും ഹൈക്കോടതി നിര്ദേശിക്കുന്നു.
കൊടകര കേസിലെ പ്രതികളുടെ ജാമ്യഹര്ജി തള്ളിയ ഉത്തരവിലാണ് പരാമര്ശം. കേസില് വെളിപ്പെടാത്ത നിരവധി കാര്യങ്ങള് അവശേഷിക്കുന്നുണ്ടെന്നും ഹൈക്കോടതി പറയുന്നു.
ബി ജെ പിയുടെ ഉന്നത നേതാക്കളെ ലക്ഷ്യമിട്ടാണ് ഹൈക്കോടതിയുടെ പരാമര്ശമെങ്കിലും സര്ക്കാര് തത്കാലം ഇതൊന്നും കേട്ടതായി നടിക്കില്ല. കാരണം ഇടതുമുന്നണിക്ക് തുടര് ഭരണം കിട്ടിയതില് ബി ജെ പിക്കുള്ള പങ്ക് തള്ളി കളയാന് സി പി എമ്മും പിണറായി വിജയനും തയ്യാറല്ല.
ബി ജെ പി കേരളത്തില് നിര്ണായക ശക്തിയായതു കൊണ്ടു മാത്രമാണ് തങ്ങള്ക്ക് അധികാരത്തിലേറാന് കഴിഞ്ഞതെന്ന് സി പി എം വിശ്വസിക്കുന്നു. ബിജെപിയെ പോലെ കോണ്ഗ്രസ് മുക്ത സംസ്ഥാനമാണ് സി പി എം ലക്ഷ്യമിടുന്നത്. ഇന്നത്തെ സാഹചര്യം തുടര്ന്നാല് 2026 ലും ഇടതുമുന്നണി തന്നെ അധികാരത്തിലെത്തുമെന്ന് സി പി എം കരുതുന്നു.
കൊടകരക്കേസ് ഒരു കവര്ച്ചാക്കേസ് മാത്രമായി കാണിച്ച് പൊലീസ് കുറ്റപത്രം സമര്പ്പിക്കാനൊരുങ്ങവേ ആണ് പ്രതികളുടെ ജാമ്യ ഉത്തരവില് ഇത്ര നിര്ണായകമായ നിരീക്ഷണങ്ങള് നടത്തുന്നതെന്നതാണ് പ്രധാനം. എന്നാല് ഹൈക്കോടതി നിരീക്ഷണത്തില് തത്കാലം ഇടപെടേണ്ടെന്നാണ് പോലീസിന്റെയും സര്ക്കാരിന്റെയും തീരുമാനം.
ഇങ്ങനെയാണ് കുഴല്പ്പണക്കേസില് ബിജെപി നേതാക്കളാരും പ്രതികളാകില്ല എന്നുറപ്പായത്. കെ സുരേന്ദ്രന് ഉള്പ്പടെയുള്ള നേതാക്കളെ സാക്ഷികളാക്കണോ എന്ന കാര്യം പിന്നീട് ആലോചിക്കും. എന്നാല് ഇതിനും സാധ്യത വിരളമാണ്. കേസില് കുറ്റപത്രം ജൂലൈ 24-ന് സമര്പ്പിക്കാനാണ് അന്വേഷണസംഘത്തിന്റെ തീരുമാനം. ഇരിഞ്ഞാലക്കുട കോടതിക്ക് മുമ്പാകെയാണ് കുറ്റപത്രം സമര്പ്പിക്കുക. കേസില് ആകെ 22 പ്രതികളാണുള്ളത്.
കുറ്റപത്രത്തില് ബിജെപി നേതാക്കളുടെ മൊഴികള് ഉള്പ്പെടുത്തും. കേസുമായി ബന്ധപ്പെട്ട് 19 ബിജെപി നേതാക്കളെയാണ് ചോദ്യം ചെയ്തത്. ഇവരില് ഒരാള് പോലും പ്രതിയാകില്ല എന്നാണ് റിപ്പോര്ട്ട് .
കേസ് ഒരു കേന്ദ്ര ഏജന്സി അന്വേഷിക്കണമെന്നായിരിക്കും സംസ്ഥാനത്തിന്റെ വാദം. കള്ളപ്പണം വെളുപ്പിക്കല് നിരോധന നിയമപ്രകാരം (ജൃല്ലിശേീി ീള ങീില്യ ഘമൗിറലൃശിഴ അര)േ ഒരു കേന്ദ്ര ഏജന്സി അന്വേഷിക്കണമെന്നാകും സംസ്ഥാന പൊലീസ് കോടതിയില് ആവശ്യപ്പെടുക. ഇഡി അന്വേഷിക്കേണ്ട വകുപ്പാണിത്. ഇ.ഡി. അന്വേഷിക്കണമെന്ന് സംസ്ഥാന സര്ക്കാര് കോടതിയില് പറഞ്ഞാല് അവര് അന്വേഷിക്കില്ല. കാരണം ഇ ഡി കേന്ദ്ര ഏജന്സിയാണ്.
കേസുമായി ബന്ധപ്പെട്ട് ജൂലൈ 14-ന് സുരേന്ദ്രന് ഹാജരായിരുന്നു. ഒന്നര മണിക്കൂര് ചോദ്യം ചെയ്ത ശേഷം സുരേന്ദ്രനെ അന്ന് വിട്ടയക്കുകയായിരുന്നു. കവര്ച്ചക്കേസില് പരാതി നല്കിയ ധര്മരാജനും കെ സുരേന്ദ്രനും ഫോണില് സംസാരിച്ചതിന്റെ വിവരങ്ങളാണ് ചോദിച്ചറിഞ്ഞത്. അന്ന് തന്നെ കെ. സുരേന്ദ്രന് ഉറപ്പായിരുന്നു,തനിക്ക് ഈ കേസില് ഒന്നും സംഭവിക്കില്ലെന്ന്.
കവര്ച്ചാ പണം മുഴുവന് കണ്ടെടുക്കുക ദുഷ്കരമെന്നാണ് അന്വേഷണസംഘം പറയുന്നത്. ഇത് തെരഞ്ഞെടുപ്പിന് വേണ്ടി വന്ന പണമാണെന്ന് തെളിയിക്കാനുള്ള അന്വേഷണസംഘത്തിന് കിട്ടിയിട്ടില്ല. ഈ പണത്തിന്റെ ഉറവിടം സംബന്ധിച്ച് ഒരു മൊഴികളും ബിജെപി നേതാക്കളില് നിന്ന് കിട്ടിയിട്ടില്ല. അതിനാല് ഇത് ഒരു കവര്ച്ചാക്കേസ് മാത്രമായി കണക്കാക്കി ഒരു കുറ്റപത്രം സമര്പ്പിക്കാനാണ് അന്വേഷണസംഘത്തിന്റെ തീരുമാനം.
കഴിഞ്ഞ ഏപ്രില് മൂന്നിനാണ് കൊടകര ദേശീയപാതയില് മൂന്നരക്കോടി രൂപ ക്രിമിനല്സംഘം കവര്ന്നത്. ഇതിനോടകം ഇരുപത്തി രണ്ട് പേരെ പൊലീസ് അറസ്റ്റ് ചെയ്തു. ഒരു കോടി 45 ലക്ഷം രൂപയും കണ്ടെടുത്തിരുന്നു. എന്നാല് ബാക്കി പണം കണ്ടെത്തുക എങ്ങനെയാണ് എന്നതിലാണ് അന്വേഷണസംഘം വഴിമുട്ടി നിന്നത്.
കേസിലെ രാഷ്ട്രീയം പൂര്ണമായും പൊലീസ് അവസാനിപ്പിക്കുന്നു എന്ന് മനസിലാക്കണം. ഇത് ബിജെപിക്ക് വേണ്ടി കൊണ്ടുവന്ന പണമാണെന്നാണ് ആദ്യം അന്വേഷണസംഘം പറഞ്ഞിരുന്നത്. ഇക്കാര്യം ഇരിഞ്ഞാലക്കുട കോടതിയില് പൊലീസ് നല്കിയ റിപ്പോര്ട്ടില് വ്യക്തമാക്കിയിട്ടുണ്ടായിരുന്നു.
എന്നാലിപ്പോള് കേസ് നേരെ തിരിച്ച് ഇതൊരു കവര്ച്ചാക്കേസായി മാത്രം അവസാനിപ്പിക്കവേ, സംസ്ഥാനസര്ക്കാര് കേസ് വെളുപ്പിച്ച് ഒരു കേന്ദ്ര ഏജന്സിക്ക് കൈമാറാന് ഒരുങ്ങുകയാണോ എന്ന ചോദ്യമാണ് ഉയരുന്നത്. സംസ്ഥാന സര്ക്കാര് ഇക്കാര്യത്തില് വ്യക്തമായ പ്ലാന് ഉണ്ട്. അതായത് തങ്ങളുടെ കോര്ട്ടില് നിന്നും അവര് പന്തു തട്ടി കേന്ദ്രത്തിന് ഇട്ടുകൊടുക്കും. കേന്ദ്രം പന്തിനെ തട്ടി കുഴിയിലിടും.അങ്ങനെ കൊടകര കേസ് സ്വാഹയാവും.
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha