വിവാഹമോചനത്തില് ജാതിമത വ്യത്യാസമില്ലാതെ ഏകീകൃത നിയമം കൊണ്ടുവരണമെന്ന് നിര്ദ്ദേശിച്ച് ഹൈക്കോടതി
07 AUGUST 2021 09:22 AM IST
മലയാളി വാര്ത്ത
വിവാഹത്തിനും വിവാഹ മോചനത്തിനും എല്ലാവര്ക്കും പൊതുവില് ബാധകമായ മതനിരപേക്ഷ നിയമം കാലത്തിന്റെ ആവശ്യമാണെന്നാണ് കോടതി കണ്ടെത്തിയത്. മതവിശ്വാസം അനുസരിച്ചു വ്യക്തികള് വിവാഹം നടത്തുന്നതിനു പുറമേ ഏകീകൃത നിയമപ്രകാരമുള്ള വിവാഹ നടപടികളും നിര്ബന്ധമാക്കണമെന്നും കോടതി അഭിപ്രായപ്പെട്ടു. വിവാഹ മോചനത്തില് ഏകീകൃത നിയമം വേണമെന്ന നിര്ദ്ദേശത്തില് ഉറച്ചു നില്ക്കുകയാണ് ഹൈക്കോടതി.
തീര്ത്തും അനിവാര്യമായ കാരണത്താല് മാത്രം വിവാഹമോചനം അനുവദിച്ചിരുന്ന കാലത്ത് തയാറാക്കിയ നിയമമാണു നിലവിലുള്ളതെന്നു ഹൈക്കോടതി വിശദമാക്കി.
ബന്ധത്തിന്റെ മൂല്യങ്ങളോ വ്യക്തി താല്പര്യങ്ങളോ ഒന്നും പരിഗണിക്കാതെയാണ് വിവാഹങ്ങള് സമൂഹത്തില് നടക്കുന്നത്. അതുകൊണ്ട് തന്നെ വിവാഹ ജീവിതത്തില് താളപ്പിഴകളും സ്വാഭാവികമാണ്.
എന്നാലും സമൂഹത്തെ പേടിച്ച് വിവാഹമോചനത്തിനു പലരും തയ്യാറായിരുന്നില്ല. ഇന്നു സ്ഥിതി മാറിയെന്ന് കോടതി നിരീക്ഷിക്കുന്നു. ഇതോടെ ഒരുമിച്ച് ജീവിക്കാന് കഴിയാത്തവര്ക്ക് എത്രയും പെട്ടന്ന് തന്നെ വിവാഹമോചനം നേടാന് കഴിയുമെന്നാണ് കോടതിയുടെ കണ്ടെത്തല്.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
