കിരണ്‍ കുമാറിനെ കോടതി തിരിച്ചെടുക്കുമോ? തലവച്ചു കൊടുക്കുകയായിരുന്നോ ആന്റണി രാജു, കിരണ്‍ കുമാറിനെതിരെ മന്ത്രി ആന്റണി രാജു നടത്തിയ പ്രഖ്യാപനം കൈയടിക്ക് വേണ്ടിയോ? നിയമപരമായി നേരിടേണ്ട വിഷയത്തില്‍ അകാലത്തില്‍ ഇടപെട്ട് മന്ത്രി അതിന്റെ സാധ്യതകള്‍ ഇല്ലാതാക്കിയോ?
കിരണ്‍ കുമാറിനെ കോടതി തിരിച്ചെടുക്കുമോ? തലവച്ചു കൊടുക്കുകയായിരുന്നോ ആന്റണി രാജു, കിരണ്‍ കുമാറിനെതിരെ മന്ത്രി ആന്റണി രാജു നടത്തിയ പ്രഖ്യാപനം കൈയടിക്ക് വേണ്ടിയോ? നിയമപരമായി നേരിടേണ്ട വിഷയത്തില്‍ അകാലത്തില്‍ ഇടപെട്ട് മന്ത്രി അതിന്റെ സാധ്യതകള്‍ ഇല്ലാതാക്കിയോ?
വിസ്മയ കേസ് പ്രതി കിരണ്‍കുമാറിനെ സര്‍വ്വീസില്‍ നിന്ന് പിരിച്ചുവിട്ട നടപടിക്കെതിരെ ഉടന്‍ അഡ്മിനിസ്‌ട്രേറ്റീവ് ട്രൈബ്യൂണലിനെ സമീപിക്കും എന്ന് കിരണ്‍ കുമാറിന്റെ അഭിഭാഷകന്‍ അറിയിക്കുന്നതിന് മുമ്പ് തന്നെ ഇത്തരം ഒരു സംശയം പല ദിക്കുകളില്‍ നിന്നും ഉയര്‍ന്നിരുന്നു. പിരിച്ചു വിട്ട നടപടി സര്‍വീസ് ചട്ടങ്ങളുടെ ലംഘനം ആണെന്നാണ് അഭിഭാഷകന്റെ ആക്ഷേപം. കേസില്‍ അന്വേഷണം പോലും പൂര്‍ത്തിയായിട്ടില്ല. കിരണിന്റെ വിശദീകരണം അധികൃതര്‍ തേടിയിട്ടില്ലെന്നും കിരണിന്റെ അഭിഭാഷകന്‍ പറയുന്നു.
കിരണിനെ പിരിച്ചു വിട്ട നടപടി നിയമപരമായി നിലനില്‍ക്കുന്നതല്ലെന്ന് നിയമവിദഗ്ധര്‍ അഭിപ്രായപ്പെടുന്നുണ്ട്. പുകവലിയ്ക്കുന്നത് വരെ 93 ര നിയമത്തിന്റെ പരിധിയില്‍ വരുമെന്നാണ് നിയമരം?ഗത്തുള്ളവര്‍ പറയുന്നത്.
കിരണ്‍ കുമാര്‍ ഇപ്പോള്‍ ഒരു കുറ്റാരോപിതന്‍ മാത്രമാണ്. അദ്ദേഹം കുറ്റം ചെയ്തതായി തെളിയിക്കപ്പെട്ടിട്ടില്ല. അന്വേഷണം ഉദ്യോഗസ്ഥര്‍ പൂര്‍ത്തിയാക്കിയിട്ടില്ല. കോടതിയില്‍ വിചാരണ തുടങ്ങിയിട്ടില്ല. നിയമപ്രകാരം കിരണ്‍കുമാറിനെ പിരിച്ചുവിടാവുന്നതേയുള്ളു. കോടതിയുടെ തീരുമാനമാണ് അന്തിമം. കോടതി ഇയാളെ പ്രതിയാണെന്ന് തീരുമാനിച്ചിട്ടില്ല. അതിനു മുമ്പ് തന്നെ സര്‍ക്കാര്‍ തീരുമാനത്തിലേക്ക് കടന്നാല്‍ സര്‍ക്കാര്‍ മോശക്കാരാവുകയേയുള്ളു.
കിരണ്‍ കുമാറിനെ സര്‍വീസില്‍ നിന്ന് പിരിച്ചുവിട്ടതായി ?ഗതാ?ഗത മന്ത്രി ആന്റണി രാജു ഇന്നലെ പ്രഖ്യാപിക്കുകയായിരുന്നു. കൊല്ലത്തെ മോട്ടോര്‍ വാഹനവകുപ്പ് റീജ്യണല്‍ ഓഫീസില്‍ അസിസ്റ്റന്റ് മോട്ടോര്‍ വെഹിക്കില്‍ ഇന്‍സ്‌പെക്ടറായിരുന്നു കിരണ്‍. വിസ്മയയുടെ മരണത്തെത്തുടര്‍ന്ന് സസ്‌പെന്‍ഷനിലായി. വകുപ്പ് തല അന്വേഷണം നടത്തിയതിന് ശേഷം, സംശയാതീതമായി കുറ്റം ചെയ്‌തെന്ന് തെളിഞ്ഞതിനെത്തുടര്‍ന്നാണ് പിരിച്ചുവിടലെന്നാണ് മന്ത്രി അറിയിച്ചത്.
ഭാര്യയുടെ മരണത്തെത്തുടര്‍ന്ന് ഭര്‍ത്താവിനെ സര്‍വീസില്‍ നിന്ന് പിരിച്ചുവിടുന്നത് ഇതാദ്യമാണ്. 1960-ലെ കേരള സിവിള്‍ സര്‍വീസ് റൂള്‍ പ്രകാരമാണ് കിരണിനെ സര്‍വീസില്‍ നിന്ന് പിരിച്ചുവിടുന്നത്. കിരണിന് ഇനി സര്‍ക്കാര്‍ സര്‍വീസില്‍ തുടര്‍ജോലിയും ലഭിക്കില്ല. പ്രൊബേഷനിലായിരുന്നതിനാല്‍ പെന്‍ഷനും അര്‍ഹതയുണ്ടാവില്ല.
കിരണിനെതിരെ വിസ്മയയുടെ ആത്മഹത്യയെത്തുടര്‍ന്ന് വകുപ്പ് തല അന്വേഷണം നടത്തിയിരുന്നു. കിരണിനോട് നേരിട്ടും മോട്ടോര്‍ വാഹനവകുപ്പ് വിശദീകരണം തേടി. 1960-ലെ സര്‍വീസ് ചട്ടപ്രകാരം സ്ത്രീവിരുദ്ധവും, സാമൂഹ്യനീതിക്ക് നിരക്കാത്തതും, ലിംഗനീതിക്ക് എതിരുമായ പ്രവര്‍ത്തനങ്ങള്‍ നടത്തി സര്‍ക്കാരിനും മോട്ടോര്‍ വാഹനവകുപ്പിനും ദുഷ്‌പേര് വരുത്തി വച്ചെന്ന് തെളിഞ്ഞാല്‍ സര്‍വീസില്‍ നിന്ന് പിരിച്ചുവിടാം.
അതനുസരിച്ചാണ് കിരണിനെതിരെയും നടപടിയെടുത്തതെന്ന് ഗതാഗതമന്ത്രി ആന്റണി രാജു പറഞ്ഞു. സര്‍ക്കാര്‍ ജീവനക്കാര്‍ സ്ത്രീധനം വാങ്ങുകയോ കൊടുക്കുകയോ ചെയ്യരുതെന്നാണ് ചട്ടം. അതിനാല്‍ക്കൂടിയാണ് കിരണിനെതിരെ പിരിച്ചുവിടല്‍ നടപടി വന്നത്.
പൊലീസ് കേസും വകുപ്പ് തല അന്വേഷണവും രണ്ടും രണ്ടാണെന്നും ഗതാഗതമന്ത്രി ആന്റണി രാജു പറഞ്ഞു. പൊലീസ് അന്വേഷണപ്രകാരമല്ല വകുപ്പ് തല അന്വേഷണം നടക്കുക. പൊലീസ് അന്വേഷണം സമാന്തരമായി നടക്കും. സാക്ഷിമൊഴികള്‍ അടക്കമുള്ള കാര്യങ്ങള്‍ വിസ്മയയുടെ കേസില്‍ ശേഖരിച്ചിരുന്നു.
കിരണ്‍ കുമാറിന് പറയാനുള്ളതും കേട്ടു. 45 ദിവസം മുമ്പാണ് കേസില്‍ കിരണിനെ സസ്‌പെന്‍ഡ് ചെയ്തത്. അന്വേഷണവിധേയമായി കിരണിനെ സസ്‌പെന്‍ഡ് ചെയ്യുകയായിരുന്നു. സസ്‌പെന്‍ഷന്‍ കാലാവധി പൂര്‍ത്തിയായി. അന്വേഷണ പ്രകാരം സംശയാതീതമായി കിരണ്‍ കുറ്റം ചെയ്‌തെന്ന് വ്യക്തമായതിനെത്തുടര്‍ന്നാണ് പിരിച്ചുവിടല്‍. ഇതിനെതിരെയാണ് കിരണ്‍കുമാര്‍ കോടതിയെ സമീപിക്കാന്‍ ഒരുങ്ങുന്നത്.
ഇടതുമുന്നണി സര്‍ക്കാരിന്റെ പല തീരുമാനങ്ങളും മുമ്പും ഇത്തരത്തില്‍ ചോദ്യം ചെയ്യപ്പെട്ടിരുന്നു. ആലോചനാശൂന്യമായ പ്രവര്‍ത്തികളാണ് അതിന് കാരണമായി തീര്‍ന്നത്.
https://www.facebook.com/Malayalivartha
