തഴവയില് നിയന്ത്രണം തെറ്റിയ കാര് റോഡരികിലെ ലോട്ടറി തട്ടിലേക്ക് ഇടിച്ചുകയറി മൊത്തവ്യാപാരിയും ചില്ലറ വില്പക്കാരനും ദാരുണാന്ത്യം
തഴവയില് നിയന്ത്രണം തെറ്റിയ കാര് റോഡരികിലെ ലോട്ടറി തട്ടിലേക്ക് ഇടിച്ചുകയറി മൊത്തവ്യാപാരിയും ചില്ലറ വില്പക്കാരനും ദാരുണാന്ത്യം.
ശ്രീഭദ്ര ലോട്ടറി ഏജന്സി ഉടമ ഓച്ചിറ ചങ്ങന്കുളങ്ങര ശ്രീജിത്ത് ഭവനില് പ്രസന്നന്പിള്ള (53), ചില്ലറ വില്പനക്കാരന് വള്ളികുന്നം കടുവിനാല് പൈനുംമൂട്ടില് രാജു (63) എന്നിവരാണ് മരിച്ചത്.
കാര് ഓടിച്ചിരുന്ന കരുനാഗപ്പള്ളി സ്വദേശിയെ നിസാര പരിക്കുകളോടെ കരുനാഗപ്പള്ളിയിലെ സ്വകാര്യ ആശുപത്രിയില് പ്രവേശിപ്പിച്ചിട്ടുണ്ട്.
കഴിഞ്ഞ ദിവസം വൈകിട്ട് 3.15 ഓടെ ദേശീയപാതയില് വവ്വക്കാവ് പുലിയന്കുളങ്ങര ക്ഷേത്രത്തിന് സമീപമായിരുന്നു അപകടം ഉണ്ടായത്. ചില്ലറ വില്പന ശാലയില് പതിവുപോലെ കച്ചവട ആവശ്യത്തിന് എത്തിയതായിരുന്നു പ്രസന്നന് പിള്ള. ഈ സമയം കരുനാഗപ്പള്ളി ഭാഗത്തേക്ക് പോകുകയായിരുന്ന കാര് നിയന്ത്രണംവിട്ട് പ്രസന്നനെയും രാജുവിനെയും ഇടിച്ചുതെറിപ്പിക്കുകയായിരിന്നു.
കുറച്ചുദൂരം മുന്നോട്ടുപോയ ശേഷമാണ് കാര് നിന്നത്. അപകടത്തില് ഗുരുതരമായി പരിക്കേറ്റ രണ്ടുപേരെയും ആലപ്പുഴ മെഡി. ആശുപത്രിയില് എത്തിച്ചെങ്കിലും രക്ഷിക്കാന് സാധിച്ചില്ല.
https://www.facebook.com/Malayalivartha